لاہور۔ 13 مارچ (اے پی پی) وزیراعظم محمد شہباز شریف سعودی عرب دے سرکاری دورے دے بعد وطن واپس پڄ ڳئن۔ دورے دے دوران وزیراعظم محمد شہباز شریف سعودی عرب دے ولی عہد اتے وزیراعظم شہزادہ محمد بن سلمان بن عبدالعزیز آل سعود نال ملاقات کیتی جیندے اچ نائب وزیراعظم تے وزیرِ خارجہ سینیٹر محمد اسحاق ڈار تے چیف آف آرمی سٹاف تے چیف آف ڈیفنس فورسز فیلڈ مارشل سید …
وزیراعظم پاکستان سعودی عرب دے سرکاری دورے دے بعد وطن واپس پڄ ڳئن
مزید خبراں
لاہور۔ 13 مارچ (اے پی پی) وزیراعظم محمد شہباز شریف سعودی عرب دے سرکاری دورے دے بعد وطن واپس پڄ ڳئن۔ دورے دے دوران وزیراعظم محمد شہباز شریف سعودی عرب دے ولی عہد اتے وزیراعظم شہزادہ محمد بن سلمان بن عبدالعزیز آل سعود نال ملاقات کیتی جیندے اچ نائب وزیراعظم تے وزیرِ خارجہ سینیٹر محمد اسحاق ڈار تے چیف آف آرمی سٹاف تے چیف آف ڈیفنس فورسز فیلڈ مارشل سید عاصم منیر وی موجود ہن۔ ملاقات اچ وزیراعظم خادم الحرمین الشریفین شاہ سلمان بن عبدالعزیز آل سعود کیتے نیک تمنائیں دا اظہار کیتا اتے پاکستان کیتے مملکت سعودی عرب دی طویل المدتی حمایت تے گہری ستائش دا اظہار کیتا اتے انھاں اوکھے حالات اچ مملکت سعودی عرب دے نال پاکستان دی مکمل یکجہتی تے بھرپور حمایت دا اعادہ کیتا۔ ݙوہیں رہنماواں وچال خطے اچ اڄوکی پیش رفت تے تفصیلی ڳالھ مہاڑ کیتی اتے ایں ڳالھ تے اتفاق کیتا ڳیا جو خطے اچ امن تے استحکام دے ودھارے کیتے سانجھے طور تے کم جاری رکھیا ویسی۔ بعد اچ وطن واپسی کیتے جدہ دے بین الاقوامی ہوائی اڈے دے رائل ٹرمینل تے مکہ ریجن دے ڈپٹی گورنر پرنس سعود بن مشعل بن عبدالعزیز، سعودی عرب اچ پاکستان دے سفیر احمد فاروق، جدہ اچ تعینات پاکستان دے قونصل جنرل سید مصطفیٰ ربانی اتے ٻئے سفارتی عملے وزیراعظم کوں الوداع کیتا۔
