پٹرول دی بلا تعطل فراہمی حکومت دی ترجیح اے، وفاقی وزیر خزانہ محمد اورنگزیب

اسلام آباد (اے پی پی) وفاقی وزیر خزانہ و محصولات سینیٹر محمد اورنگزیب آکھیے حکومت دی اولین ترجیح ملک وچ پٹرولیم مصنوعات دی بلا تعطل فراہمی یقینی بݨاوݨ اے تے عوام تے مالی ٻوجھ کوں گھٹ توں گھٹ رکھݨ دی کوشش کیتی ویندی پئی اے۔ اے ڳالھ انھاں پٹرولیم مصنوعات دی قیمتاں دی نگرانی کیتے قائم کمیٹی دے ورچوئل اجلاس دی صدارت کریندے آکھی۔ اجلاس وچ وفاقی وزیر علی پرویز ملک، رانا تنویر حسین، وزیر مملکت بلال اظہر کیانی تے گورنر سٹیٹ بینک وی شریک تھئے۔اجلاس کوں بریفنگ ݙتی ڳئی جو ملک وچ پٹرول دے ذخیرے تسلی بخش ہن تے سپلائی چین موثر طریقے نال کم کریندی پئی اے۔ وزیر خزانہ آکھیا جو عالمی منڈی وچ قیمتاں دے لہہ چڑھ تے نظر رکھی ویندی پئی اے تاں جو معاشی استحکام برقرار رہے۔ اجلاس وچ فیصلہ کیتا ڳیا جو پٹرولیم سپلائی چین دی نگرانی کیتے ہک ڈیجیٹل ڈیش بورڈ بݨایا ویندا پئے تاں جو ذخیرے دی صورتحال کوں حقیقی ویلھے وچ مانیٹر کیتا ونڄ سڳے۔ وزیر خزانہ ایں عزم دا اعادہ کیتا جو توانائی دے تحفظ کیتے سارے ممکنہ اقدامات کیتے ویسن۔