چیئرپرسن بینظیر انکم سپورٹ پروگرام سینیٹر روبینہ خالد دا رحیم یار خان وچ پیش آوݨ آلے افسوسناک واقعے تے ݙکھ دا اظہار

اسلام آباد۔16مارچ (اے پی پی) چیئرپرسن بینظیر انکم سپورٹ پروگرام سینیٹر روبینہ خالد رحیم یارخان وچ پیش آوݨ الے افسوسناک واقعے تے ݙکھ تے افسوس کیتے۔ صدرِ پاکستان آصف علی زرداری دی ہدایت تے چیئرپرسن بی آئی ایس پی سینیٹر روبینہ خالد وقتی رحیم یار خان روانہ تھی ڳئن تاں جو موقع تے پُڄ تے صورتحال دا جائزہ گھن سڳن تے متاثرہ خانداناں نال اظہارِ یکجہتی کرن۔ چیئرپرسن بی آئی ایس پی دی ہدایت تے ہیڈکوارٹرز توں ہک اعلیٰ سطحی کمیٹی وقتی رحیم یار خان روانہ تھی چکی اے جیڑھی واقعے دی مکمل تحقیقات تے ذمہ داران دا تعین کرتے 24 گھنٹے دے اندر تفصیلی رپورٹ پیش کریسی۔ واقعے وچ ممکنہ غفلت دے پیشِ نظر متعلقہ پارٹنر بینک کوں نوٹس جاری کر ݙتا ڳئے جݙاں جو اوندے تے بارا جرمانہ وی لاتا ویندا پئے۔ بی آئی ایس پی ولوں جاں بحق تھیوݨ آلیاں تریمتاں دے لواحقین کیتے 10 لکھ روپے جݙاںجو زخمی تریمتاں کیتے 3 لکھ روپے مالی امداد ݙتی ویسی تے اے ادائیگیاں کل تئیں مکمل کرݙتیاں ویسن۔ چیئرپرسن سینیٹر روبینہ خالد آکھیے ایں افسوسناک واقعے دی شفاف تحقیقات کیتیاں ویسن تے متعلقہ پارٹنر بینک دے نمائندیں دے خلاف سخت قانونی کارروائی عمل وچ گھن آئی ویسی جݙاں جو متاثرہ خانداناں نال ہر ممکن تعاون کیتا ویسی۔