اسلام آباد۔ 10 اپریل (اے پی پی) وزیراعظم محمد شہباز شریف سعودی عرب ولوں پاکستان دی مسلسل اقتصادی تے مالی معاونت کوں سراہندے ہوئیں آکھیا جو پاکستان دی عوام اتے حکومت ہر اوکھ اچ آپݨے سعودی بھراواں تے ٻھیݨیں دے نال مونڈھے نال مونڈھا رلا تے کھڑے ، پاکستان سعودی عرب دے نال ہر شعبے اچ تعاون کوں ٻیا ودھاوݨ کیتے پُرعزم اے ۔ او سعودی عرب دے وزیرِ خزانہ …
پاکستان سعودی عرب دے نال ہر شعبے اچ تعاون کوں ٻیا ودھاوݨ کیتے پُرعزم اے، وزیراعظم شہباز شریف
اسلام آباد۔ 10 اپریل (اے پی پی) وزیراعظم محمد شہباز شریف سعودی عرب ولوں پاکستان دی مسلسل اقتصادی تے مالی معاونت کوں سراہندے ہوئیں آکھیا جو پاکستان دی عوام اتے حکومت ہر اوکھ اچ آپݨے سعودی بھراواں تے ٻھیݨیں دے نال مونڈھے نال مونڈھا رلا تے کھڑے ، پاکستان سعودی عرب دے نال ہر شعبے اچ تعاون کوں ٻیا ودھاوݨ کیتے پُرعزم اے ۔ او سعودی عرب دے وزیرِ خزانہ محمد بن عبداللہ الجدعان نال ڳالھ مہاڑ کریندے پئے ہن جنھاں جمعہ کوں اتھاں آپݨے ہک ݙینہہ دے دورہٴ اسلام آباد دے دوران انھاں نال وزیراعظم ہاؤس اچ ملاقات کیتی۔ وزیراعظم آفس دے میڈیا ونگ توں جاری تھئیے بیان دے مطابق نائب وزیراعظم و وزیرِ خارجہ محمد اسحاق ڈار تے چیف آف ڈیفنس فورسز، آرمی چیف فیلڈ مارشل سید عاصم منیر وی ملاقات اچ موجود ہن۔ سعودی وزیرِ خزانہ دا خیر مقدم کریندیں ہوئیں وزیراعظم خادم الحرمین الشریفین، شاہ سلمان بن عبدالعزیز آل سعود، تے ولی عہد و وزیراعظم شہزادہ محمد بن سلمان بن عبدالعزیز آل سعود کیتے آپݨے احترام تے نیک تمناواں دا اظہار کیتا۔وزیراعظم ولی عہد شہزادہ محمد بن سلمان دے نال آپݨی حالیہ خوشگوار تے دوستانہ ٹیلیفونک گفتگو کوں محبت نال یاد کیتا ۔ انھاں پاکستان کیتے ولی عہد دی گہری محبت تے گزریل سالاں اچ پاکستان کوں سعودی عرب دی مسلسل اقتصادی و مالی معاونت کوں سراہیا جئیں پاکستان دے معاشی استحکام اچ اہم کردار ادا کیتے۔ وزیراعظم ایں امر دا اعادہ کیتا جو پاکستان دے عوام تے حکومت ہر اوکھے ویلھے آپݨے سعودی بھراواں تے ٻھیݨیں دے نال مونڈھے نال مونڈھا رلا تے کھڑے رہن ا تے اے ݙوہیں ملکاں وچال ہک دائمی رشتہ اے جیڑھا ولی عہد شہزادہ محمد بن سلمان دی سرپرستی اچ ٻیامضبوط تھیے۔وزیراعظم ایں ڳالھ تے زور ݙتا جو پاکستان سعودی عرب دے نال تجارت، سرمایہ کاری تے اقتصادی ترقی سمیت ہر شعبے اچ تعاون کوں مزید فروغ ݙیوݨ کیتے پُرعزم اے۔ سعودی وزیرِ خزانہ وزیراعظم دا شکریہ ادا کیتا تے ایں عزم دا اعادہ کیتا جو سعودی عرب، ولی عہد شہزادہ محمد بن سلمان دے وژن دے مطابق، پاکستان تے سعودی عرب وچال دیرینہ، گہرے تے برادرانہ تعلقات کوں ٻیامضبوط بݨیسی۔
