اسلام آباد۔ 11 اپریل (اے پی پی) امریکی نائب صدر جے ڈی وینس دی قیادت اچ امریکہ دا اعلیٰ سطح دا ہک وفد ہفتہ کوں وفاقی دارالحکومت اسلام آباد پڄ ڳئے جتھاں او ’’اسلام آباد مذاکرات‘‘ اچ شرکت کریسی ۔ وفد اچ امریکی نمائندہٴ خصوصی سٹیو وٹکوف تے جیرڈ کشنر شامل ہن۔ نائب وزیراعظم سینیٹر محمد اسحاق ڈار، چیف آف ڈیفنس فورسز تے چیف آف آرمی سٹاف فیلڈ مارشل سید …
امریکی نائب صدر جے ڈی وینس دی قیادت اچ اعلیٰ سطح دا وفد مذاکرات اچ شرکت کیتے اسلام آباد پڄ ڳیا، نائب وزیراعظم، چیف آف ڈیفنس فورسز تے وزیرِ داخلہ استقبال کیتا
اسلام آباد۔ 11 اپریل (اے پی پی) امریکی نائب صدر جے ڈی وینس دی قیادت اچ امریکہ دا اعلیٰ سطح دا ہک وفد ہفتہ کوں وفاقی دارالحکومت اسلام آباد پڄ ڳئے جتھاں او ’’اسلام آباد مذاکرات‘‘ اچ شرکت کریسی ۔ وفد اچ امریکی نمائندہٴ خصوصی سٹیو وٹکوف تے جیرڈ کشنر شامل ہن۔ نائب وزیراعظم سینیٹر محمد اسحاق ڈار، چیف آف ڈیفنس فورسز تے چیف آف آرمی سٹاف فیلڈ مارشل سید عاصم منیر تے وزیرِ داخلہ سید محسن رضا نقوی وفد دا استقبال کیتے۔ ترجمان دفترِ خارجہ طاہر حسین اندرابی دے مطابق امریکی وفد اسلام آباد مذاکرات اچ شرکت کیتے پاکستان پڄیے۔ امریکی وفد دا خیر مقدم کریندیں ہوئیں نائب وزیراعظم محمد اسحاق ڈار دیرپا علاقائی تے عالمی امن تے استحکام دے حصول کیتے امریکی کوششاں کوں سراہے۔ نائب وزیراعظم امید ظاہر کیتی جو فریقین تعمیری انداز اچ مذاکرات اچ شریک تھیسن۔ نائب وزیراعظم پاکستان دی تنازعے دے دیرپا تے پائیدار حل کیتے فریقین کیتے سہولت کاری جاری رکھݨ دی خواہش دا اعادہ کیتے۔
