اسلام آباد۔ 11 اپریل (اے پی پی) وزیراعظم محمد شہباز شریف امریکہ تے ایران دے وفود دے تعمیری انداز اچ ڳالھ مہاڑ دے عزم کوں سراہندے ہوئیں ایں امید دا اظہار کیتے جو اے مذاکرات خطے اچ دیرپا امن دے قیام آلے پاسے ہک اہم قدم ثابت تھیسن۔ ہفتہ کوں وزیراعظم آفس دے میڈیا ونگ توں جاری تھئیے بیان دے مطابق اسلام آباد مذاکرات دے آغاز تے وزیراعظم محمد شہباز …
وزیراعظم شہباز شریف امریکہ تے ایران دے وفود دے تعمیری انداز اچ ڳالھ مہاڑ دے عزم کوں سراہیا
اسلام آباد۔ 11 اپریل (اے پی پی) وزیراعظم محمد شہباز شریف امریکہ تے ایران دے وفود دے تعمیری انداز اچ ڳالھ مہاڑ دے عزم کوں سراہندے ہوئیں ایں امید دا اظہار کیتے جو اے مذاکرات خطے اچ دیرپا امن دے قیام آلے پاسے ہک اہم قدم ثابت تھیسن۔ ہفتہ کوں وزیراعظم آفس دے میڈیا ونگ توں جاری تھئیے بیان دے مطابق اسلام آباد مذاکرات دے آغاز تے وزیراعظم محمد شہباز شریف نال ریاست ہائے متحدہ امریکہ دے نائب صدر جے ڈی وینس ملاقات کیتی ۔ امریکی نائب صدر دے ہمراہ خصوصی ایلچی اسٹیو وٹکوف تے جیرڈ کشنر جݙاں جو وزیراعظم دے رلے نائب وزیراعظم تے وزیرِ خارجہ سینیٹر محمد اسحاق ڈار تے وزیرِ داخلہ سینیٹر سید محسن رضا نقوی موجود ہن۔ ݙوہیں وفود دے تعمیری انداز اچ ڳالھ مہاڑ دے عزم کوں سراہندیں ہوئیں وزیراعظم ایں امید دا اظہار کیتا جو اے مذاکرات خطے اچ دیرپا امن دے قیام آلے پاسے ہک اہم قدم ثابت تھیسن۔ وزیراعظم ایں عزم دا اعادہ کیتا جو پاکستان خطے اچ پائیدار امن دے حصول کیتے ݙوہیں فریقین وچال سہولت کاری جاری رکھݨ دا خواہاں اے۔
