غیر ملکی صحافیاں کوں جناح کنونشن سنٹر اچ ہک چھت تلے ساری ضروری سہولتاں ݙتی ڳئن، وفاقی وزیرِ اطلاعات عطاء اللہ تارڑ

اسلام آباد۔ 11 اپریل (اے پی پی) وفاقی وزیرِ اطلاعات تے نشریات عطاء اللہ تارڑ آکھیا جو غیر ملکی صحافیاں کوں جناح کنونشن سنٹر اچ ہک چھت تلے ساری ضروری سہولتاں ݙتی ڳئن۔ چھݨ چھݨ کوں اتھاں غیر ملکی صحافیاں کوں فراہم کیتی ونڃݨ آلی سہولیات دے حوالے نال خصوصی ڳالھ مہاڑ کریندیں ہوئیں وفاقی وزیرِ اطلاعات آکھیا جو نائب وزیراعظم اسحاق ڈار دے اعلان دے مطابق ایران تے امریکہ دے صحافیاں کیتے ویزا آن ارائیول ہوسی ۔ انھاں آکھیا جو کوریج کیتے پوری دنیا توں صحافی پاکستان پڄدے پئن، صحافیاں کوں ہکی چھت تلے ساری ضروری سہولتاں ݙتی ویندی پئن۔ انھاں آکھیا جو پنجاہ دے قریب صحافی پاکستان پڄ ڳئن، چین، سعودی عرب، جاپان، جرمنی، کوریا سودھے مختلف ملکاں توں صحافیاں ویزا دی درخواستاں ݙتن۔ وفاقی وزیر آکھیا جو وزارتِ اطلاعات تے نشریات جناح کنونشن سنٹر اچ صحافیاں کیتے ہکی چھت تلے ساری ضروری سہولیات جنھاں اچ ہائی اسپیڈ انٹرنیٹ کنیکٹیویٹی، پرنٹرز، کمپیوٹرز شامل ہن، فراہم کیتن جݙاں جو سکریناں وی نصب کیتیاں ڳئن۔ صحافتی امور انجام ݙیوݨ کیتے درکار ساری سہولیات اتھاں دستیاب ہن۔ انھاں آکھیا جو جناح کنونشن سنٹر توں ریڈ زون نیڑے اے، صحافی اتھوں آسانی نال کوریج کر سڳدن، صحافیاں کوں خصوصی کارڈز جاری کیتے ڳئن اتے انھاں کوں ساری سہولیات ہکی ڄاہ فراہم کرݨ دی کوشش کیتی ڳئی اے تانجو انھاں کوں کوریج اچ کوئی دقت پیش نہ آوے اے۔ وفاقی وزیر آکھیا جو کوریج کیتے آوݨ آلے غیر ملکی صحافیاں کوں خوش آمدید آکھدوں۔