اسلام آباد۔ 11 اپریل (اے پی پی) وفاقی وزیر برائے منصوبہ بندی، ترقی تے اصلاحات و خصوصی اقدامات احسن اقبال آکھیا جو اسلام آباد مذاکرات خطے اچ امن تے استحکام دے فروغ کیتے ہک اہم سفارتی پیش رفت ہن، جنھاں امریکہ تے ایران وچال کشیدگی اچ ڳھٹکی گھن آ تے ممکنہ وݙے بحران کوں ٹالݨ اچ مؤثر کردار ادا کیتے۔ ہفتہ کوں سماجی رابطے دی ویب سائٹ "ایکس" تے آپݨی …
اسلام آباد مذاکرات خطے اچ امن تے استحکام دے فروغ کیتے ہک اہم سفارتی پیش رفت ہن، احسن اقبال
اسلام آباد۔ 11 اپریل (اے پی پی) وفاقی وزیر برائے منصوبہ بندی، ترقی تے اصلاحات و خصوصی اقدامات احسن اقبال آکھیا جو اسلام آباد مذاکرات خطے اچ امن تے استحکام دے فروغ کیتے ہک اہم سفارتی پیش رفت ہن، جنھاں امریکہ تے ایران وچال کشیدگی اچ ڳھٹکی گھن آ تے ممکنہ وݙے بحران کوں ٹالݨ اچ مؤثر کردار ادا کیتے۔ ہفتہ کوں سماجی رابطے دی ویب سائٹ “ایکس” تے آپݨی پوسٹ اچ انھاں آکھیا جو کجھ بھارتی میڈیا حلقیاں دا ایں مثبت پیش رفت تے منفی ردِعمل افسوسناک اے۔ انھاں آکھیا جو ایجھے نازک حالات اچ ذمہ وارانہ طرزِ عمل دا تقاضا اے جو ایں کوشش کوں سراہیا ویندا، کیونجو اے صرف پاکستان نئی بلکہ پورے خطے تے عالمی برادری دے مفاد اچ اے۔ وفاقی وزیر آکھیا جو پاکستان ہمیشہ ذمہ وار ریاست دے طور تے سفارتکاری، مکالمے تے امن کوں ترجیح ݙتی اے اتے عالمی سطح تے ایندے مثبت کردار کوں تسلیم کیتا ویندا پئے۔
