xاسلام آباد۔13 اپریل(اے پی پی)وزیراعظم محمد شہباز شریف آکھیے جو پاکستان جنگ بندی برقرار رکھݨ کیتے اپݨیاں کوششاں جاری رکھسی۔ اے ڳال انہاں جاپان دی وزیراعظم سانائے تاکائیچی نال الیندے آکھی ڄئیں سنوار کوں وزیراعظم محمد شہباز شریف کوں فون کیتے اتے انہاں نال اسلام آباد اچ پاکستان دی میزبانی اچ تھیوݨ آلے امریکہ تے ایران مذاکرات تے ڳال مہاڑ کیتی۔ وزیراعظم آفس دے میڈیا ونگ توں جاری بیان دے …
پاکستان جنگ بندی برقرار رکھݨ کیتے اپݨیاں کوششاں جاری رکھسی، وزیراعظم شہباز شریف دی جاپانی وزیراعظم نال ڳال مہاڑ
xاسلام آباد۔13 اپریل(اے پی پی)وزیراعظم محمد شہباز شریف آکھیے جو پاکستان جنگ بندی برقرار رکھݨ کیتے اپݨیاں کوششاں جاری رکھسی۔ اے ڳال انہاں جاپان دی وزیراعظم سانائے تاکائیچی نال الیندے آکھی ڄئیں سنوار کوں وزیراعظم محمد شہباز شریف کوں فون کیتے اتے انہاں نال اسلام آباد اچ پاکستان دی میزبانی اچ تھیوݨ آلے امریکہ تے ایران مذاکرات تے ڳال مہاڑ کیتی۔ وزیراعظم آفس دے میڈیا ونگ توں جاری بیان دے مطابق وزیراعظم سانائے تاکائیچی جنگ بندی اتے مذاکرات کراوݨ کیتے پاکستان دے سفارتی کردار دی تعریف کریندے امن کیتے کوششاں دی مکمل حمایت کیتی اتے ایکوں علاقائی استحکام اتے عالمی توانائی سلامتی کیتے اہم قرار ݙتے۔ وزیراعظم جاپانی ہم منصب دی نیک خواہشات تے انہاں دا شکریہ ادا کریندے آکھیے جو او امریکہ اتے ایران دے وفود دے اسلام آباد اچ تھیوݨ آلے تفصیلی مذاکرات تے شکر گزار ہین اتے پاکستان جنگ بندی کوں برقرار رکھݨ کیتے اپݨیاں کوششاں جاری رکھسی۔ وزیراعظم پاکستان اتے جاپان وچال ݙوطرفہ تعاون کوں ٻیا تکڑا ٻݨاوݨ دی خواہش ݙسائی ڄیکوں جاپانی وزیراعظم وی سراہیا۔ ݙوہائیں رہنماواں قریبی رابطہ برقرار رکھݨ تے وی اتفاق کیتے۔
