اسلام آباد۔ 13 اپریل(اے پی پی)نائب وزیراعظم/ وزیرِ خارجہ سینیٹر محمد اسحاق ڈار چین دے وزیرِ خارجہ وانگ یی نال ٹیلیفون تے الائے۔ ݙوہیں رہنماواں ہݨ ہی مکݨ آلے اسلام آباد مذاکرات اتے امریکہ-ایران براہِ راست مذاکرات تے ڳالھ مہاڑ کیتی اے۔ دفترِ خارجہ دے بیان دے مطابق وزیرِ خارجہ وانگ یی خطے اچ امن و استحکام ودھاوݨ کیتے پاکستان دیاں مخلصانہ کوشِشاں تے نائب وزیراعظم/وزیرِ خارجہ کوں مبارکباد ݙتی۔ …
نائب وزیراعظم/ وزیرِ خارجہ سینیٹر محمد اسحاق ڈار دی چین دے وزیرِ خارجہ نال ٹیلیفون تے ڳالھ مہاڑ
اسلام آباد۔ 13 اپریل(اے پی پی)نائب وزیراعظم/ وزیرِ خارجہ سینیٹر محمد اسحاق ڈار چین دے وزیرِ خارجہ وانگ یی نال ٹیلیفون تے الائے۔ ݙوہیں رہنماواں ہݨ ہی مکݨ آلے اسلام آباد مذاکرات اتے امریکہ-ایران براہِ راست مذاکرات تے ڳالھ مہاڑ کیتی اے۔ دفترِ خارجہ دے بیان دے مطابق وزیرِ خارجہ وانگ یی خطے اچ امن و استحکام ودھاوݨ کیتے پاکستان دیاں مخلصانہ کوشِشاں تے نائب وزیراعظم/وزیرِ خارجہ کوں مبارکباد ݙتی۔ انھاں پاکستان دے تعمیری سفارتی کردار کیتے عوامی جمہوریہ چین دی مسلسل حمایت دا اعادہ وی کیتے۔ نائب وزیراعظم/وزیرِ خارجہ خطے اچ امن دی بحالی کیتے مکالمے اتے سفارتکاری کوں ترجیحی ذرائع دے طور تے اڳو تے ودھاوݨ کیتے پاکستان دے پختہ عزم کوں دوہرائے۔ فریقین زور ݙتے جو مکالمہ اتے سفارتکاری ہی اڳو تے ودھݨ دا ہکو قابلِ عمل رستہ اے۔ ݙوہیں رہنماواں پاکستان-چین پنڄ نکاتی امن اقدام تے وی الائے جیندا مقصد مسئلیاں دے پرامن حل کوں ممکن ٻݨاوݨ اے۔ ݙوہیں فریقاں قریبی رابطے ودگھاوݨ تے وی اتفاق کیتے۔
