اسلام آباد۔14اپریل(اے پی پی)صدرِ مملکت آصف علی زرداری بیساکھی دے موقع تے پاکستان تے پوری دنیا اچ رہݨ آلی ہندو اتے سکھ برادری کوں مبارکباد ݙیندے آکھیے جو بیساکھی ہک اہم مذہبی اتے ثقافتی سنگِ میل اے جیڑھی ربیع دی فصل دی کٹائی دے آغاز دی نشانی اے۔ اے موسم کساناں کیتے وݙی خوشی آلا ہوندے کیوں جو او اپݨی محنت دا پھل حاصل کریندن۔ ایوانِ صدر توں جاری سنیہے …
صدرِ مملکت آصف علی زرداری دی ہندو اتے سکھ برادری کوں بیساکھی دی مبارکباد
اسلام آباد۔14اپریل(اے پی پی)صدرِ مملکت آصف علی زرداری بیساکھی دے موقع تے پاکستان تے پوری دنیا اچ رہݨ آلی ہندو اتے سکھ برادری کوں مبارکباد ݙیندے آکھیے جو بیساکھی ہک اہم مذہبی اتے ثقافتی سنگِ میل اے جیڑھی ربیع دی فصل دی کٹائی دے آغاز دی نشانی اے۔ اے موسم کساناں کیتے وݙی خوشی آلا ہوندے کیوں جو او اپݨی محنت دا پھل حاصل کریندن۔ ایوانِ صدر توں جاری سنیہے اچ صدرِ مملکت آکھیے جو اے موقع شکرگزاری، ایمان، اتحاد اتے انسانیت دی خدمت دے پائیدار قدراں کوں تازہ کرݨ دا سنیہا ݙیندے۔ صدرِ مملکت آکھیے جو ساݙے ملک دے کئی علاقیاں اچ بیساکھی کوں ہمسایاں اتے مقامی برادریاں ولوں وی احترام نال منایا ویندے جیڑھا ساݙے سانجھے سماجی ماحول دی عکاسی کریندے۔ انہاں آکھیا جو حکومت ہندو تے سکھ یاتریوں دی سہولت کیتے اقدامات جاری رکھی کھڑی اے اتے اہم مذہبی موقعیاں تے گردواریاں دی دیکھ بھال تے سکیورٹی کوں یقینی ٻݨیدی اے۔ صدرِ مملکت آکھیا جو حکومت اقلیتی برادریاں دے بنیادی حقوق، سلامتی اتے وقار دے تحفظ کیتے پرعزم اے اتے انہاں دی جان و مال دی حفاظت ریاست دی اہم ذمہ داری اے۔
