اسلام آباد: 15 اپریل(اے پی پی)وفاقی وزیرِ داخلہ محسن نقوی کراچی اچ چینی قونصلیٹ دا دورہ کیتا، جیندے اچ چین دے قونصل جنرل یانگ یونڈونگ انہاں دا استقبال کیتا۔ دورے اچ وزیرِ داخلہ دی چینی قونصل جنرل نال ملاقات تھئی، جیندے اچ پاک چین ݙو پاسہ تعاون، چینی سرمایہ کاراں کوں سہولتاں ݙیوݨ اتے سکیورٹی دے معاملیاں تے تفصیلی ڳالھ مہاڑ کیتی ڳئی۔ وزیرِ داخلہ محسن نقوی پاکستان اچ رہݨ …
وفاقی وزیرِ داخلہ محسن نقوی دا کراچی اچ چینی قونصلیٹ دا دورہ
اسلام آباد: 15 اپریل(اے پی پی)وفاقی وزیرِ داخلہ محسن نقوی کراچی اچ چینی قونصلیٹ دا دورہ کیتا، جیندے اچ چین دے قونصل جنرل یانگ یونڈونگ انہاں دا استقبال کیتا۔ دورے اچ وزیرِ داخلہ دی چینی قونصل جنرل نال ملاقات تھئی، جیندے اچ پاک چین ݙو پاسہ تعاون، چینی سرمایہ کاراں کوں سہولتاں ݙیوݨ اتے سکیورٹی دے معاملیاں تے تفصیلی ڳالھ مہاڑ کیتی ڳئی۔ وزیرِ داخلہ محسن نقوی پاکستان اچ رہݨ والے چینی شہریاں دی حفاظت کیتے کیتے ڳئے اقدامات دا ݙسایا اتے یقین ݙوایا جو چینی بزنس میناں دے مسائل ترجیحی بنیاداں تے حل کیتے ویسن۔ انہاں ݙسایا جو چینی سرمایہ کاراں دے مسائل دے حل کیتے جلدی اسلام آباد اچ ہک کانفرنس تھیسی، جیندے اچ شرکت کیتے چینی قونصل جنرل اتے کراچی اچ موجود چینی بزنس کمیونٹی کوں دعوت ݙتی ڳئی اے۔ محسن نقوی دا آکھݨ ہا جو چینی سرمایہ کار پاکستان دی تعمیر اتے ترقی اچ اہم کردار ادا کریندے پئن اتے حکومت ہر سطح تے انہاں کوں سہولتاں ݙیوݨ کیتے پرعزم اے، پاکستان اچ ودھ توں ودھ چینی سرمایہ کاری کوں ودھاوݨ اتے بزنس فرینڈلی ماحول ݙیوݨ حکومت دی اولین ترجیح اے۔ ایں موقع تے چینی قونصل جنرل پاک چین ݙو پاسہ تعاون کوں ودھاوݨ اچ وزیرِ داخلہ دے کردار دی تعریف کیتی اتے سکیورٹی دے انتظامات تے اطمینان کیتے۔
