راولپنڈی۔ 16 اپریل(اے پی پی)پاک بحریہ اپݨی تیاری اتے درست نشانہ ٻݨاوݨ دی صلاحیت دا تکڑا مظاہرہ کریندے مقامی طور تے تیار کردہ جہاز توں داغے ونڄݨ والے اینٹی شپ میزائل دا کامیاب تجربہ کیتے، جئیں تیز رفتاری نال دور دے فاصلے تے اپݨے ہدف کوں بالکل ٹھیک نشانہ ٻݨایا۔ پاک فوج دے شعبہ تعلقات عامہ (آئی ایس پی آر) توں جاری بیان دے مطابق، پاک بحریہ دے سربراہ ایڈمرل …
پاک بحریہ دا مقامی طور تے تیار کردہ اینٹی شپ میزائل دا کامیاب تجربہ
راولپنڈی۔ 16 اپریل(اے پی پی)پاک بحریہ اپݨی تیاری اتے درست نشانہ ٻݨاوݨ دی صلاحیت دا تکڑا مظاہرہ کریندے مقامی طور تے تیار کردہ جہاز توں داغے ونڄݨ والے اینٹی شپ میزائل دا کامیاب تجربہ کیتے، جئیں تیز رفتاری نال دور دے فاصلے تے اپݨے ہدف کوں بالکل ٹھیک نشانہ ٻݨایا۔ پاک فوج دے شعبہ تعلقات عامہ (آئی ایس پی آر) توں جاری بیان دے مطابق، پاک بحریہ دے سربراہ ایڈمرل نوید اشرف معروف سائنسداناں اتے انجینئرز دے نال ایں میزائل فائرنگ دا مشاہدہ کرݨ کیتے موجود ہن۔ اے میزائل جدید رہنمائی دے نظام (گائیڈنس سسٹم) تے اعلیٰ درجے دی مینوریبلٹی (حرکت کرݨ دی صلاحیت) نال لیس اے، جیڑھا ایکوں خطریاں توں بچݨ، بدلدی ہوئی صورتحال دے مطابق اپݨے آپ کوں ڈھالݨ اتے نہایت درستی اتے مؤثر طریقے نال ہدف کوں نشانہ ٻݨاوݨ دے قابل ٻݨیندے۔ مقامی طور تے ٻݨائے گئے ایں میزائل دا کامیاب تجربہ تکنیکی مہارت اتے عملی صلاحیتاں دے میل کوں ظاہر کریندے۔ اے کامیابی پاکستان نیوی دے ایں عزم دی عکاسی کریندی اے جو او روایتی دفاعی نظام اچ سمندری طاقت کوں تگڑا رکھیندے ہوئے خطے اچ بحری سلامتی اتے استحکام کوں یقینی ٻݨیسی۔ صدر مملکت آصف علی زرداری، وزیر اعظم محمد شہباز شریف، چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر اتے مسلح افواج دے سربراہاں ایں کامیابی تے متعلقہ یونٹس اتے سائنسداناں کوں مبارکباد ݙتی اے۔
