وزیر اعظم شہباز شریف شہزادہ محمد بن سلمان نال ملاقات اچ سعودی عرب ولوں غیر معمولی صبر اتے تحمل کوں سراہے، ترجمان دفتر خارجہ

اسلام آباد۔ 16 اپریل (اے پی پی)دفتر خارجہ دے ترجمان طاہر حسین اندرابی آکھیے جو وزیر اعظم محمد شہباز شریف سعودی عرب دے سرکاری دورے اچ سعودی ولی عہد اتے وزیر اعظم شہزادہ محمد بن سلمان نال ملاقات اچ حالیہ علاقائی کشیدگی دے تناظر اچ سعودی عرب نال مکمل یکجہتی اتے حمایت کیتی اے اتے سعودی عرب ولوں ݙکھائے گئے غیر معمولی صبر اتے تحمل کوں سراہے۔ پریس بریفنگ اچ ترجمان آکھیا جو وزیر اعظم محمد شہباز شریف ولی عہد کوں پاکستان دی حالیہ امن کوششاں دا ݙسائے جیندے بعد امریکہ تے ایران وچال جنگ بندی ممکن تھئی اتے اسلام آباد اچ اے تاریخی مذاکرات تھئین۔ ترجمان آکھیا جو سعودی ولی عہد امن دے ایں عمل اچ پاکستان دے تعمیری کردار کوں سراہے۔ وزیر اعظم پاکستان سعودی عرب ولوں پاکستان دے معاشی استحکام کیتے مسلسل حمایت تے ولی عہد دا شکریہ ادا کیتے۔ ترجمان آکھیا جو ڈوہیں ملکاں وچال ہک نویکلا تعلق اے، ٻھرا ملک پاکستان۔سعودی عرب اسٹریٹجک باہمی دفاعی معاہدے دے تحت اسٹریٹجک دفاعی شراکت دار ہین۔ ترجمان آکھیا جو وزیر اعظم محمد شہباز شریف 15 توں 18 اپریل دے دوران سعودی عرب، قطر اتے ترکیہ دے سرکاری دورے تے ہین۔ انہاں آکھیا جو سعودی عرب اتے قطر دے دورے ݙوطرفہ تعلقات دے تناظر اچ تھیندے پئن ڄݙاں جو ترکیہ دا دورہ انطالیہ ڈپلومیسی فورم دے پنڄویں اجلاس سانڳے اے جتھاں وزیر اعظم ٻئے عالمی رہنماواں نال لیڈرز پینل اچ شرکت کریسن اتے فورم اچ پاکستان دا موقف پیش کریسن۔