صدرِ مملکت دا لبنان اچ جنگ بندی دے اعلان دا خیر مقدم

اسلام آباد۔ 17 اپریل (اے پی پی)صدر مملکت آصف علی زرداری لبنان اچ جنگ بندی دے اعلان دا خیر مقدم کریندے ایکوں خطے اچ کشیدگی ڳھٹاوݨ اتے امن دی بحالی کیتے اہم قرار ݙتے۔ ہک بیان اچ انہاں آکھیے جو پاکستان امریکہ اتے ایران وچال جھیڑے مکاوݨ کیتے علاقائی اتے بین الاقوامی شراکت داراں دے نال متحرک طور تے رابطے اچ اے، پاکستان خطے دے استحکام کوں ݙاݙھی اہمیت ݙیندے تے یقین رکھدے جو پائیدار امن صرف مذاکرات، ہک ݙوجھے دی خودمختاری دے احترام اتے بین الاقوامی قوانین دی پاسداری نال ہی ممکن اے۔ انہاں آکھیا جو جنگ بندی دیرپا امن کیتے پیش رفت دا ہک موقع اے، لبنان دی خودمختاری اتے علاقائی سالمیت کیتے پاکستان مسلسل حمایت جاری رکھسی، مغربی ایشیا اچ دیرپا امن دا انحصار تنازعات دی بنیادی وجوہات دے حل تے اے۔ صدر آصف علی زرداری آکھیا جو پاکستان خطے اچ کشیدگی اچ کمی اتے منصفانہ، دیرپا تے جامع امن ودھاوݨ کیتے ہر مخلصانہ اقدام دی حمایت جاری رکھیسی۔ انہاں آکھیا جو امریکہ اتے ایران وچال جاری ݙو ہفتے دی جنگ بندی دے وسیع تر مفاد اچ لبنان ݙاݙھا صبر ݙکھائے، جنگ بندی دی کہیں وی خلاف ورزی نال کشیدگی ودھ سگدی اے، ایں اہم مرحلے تے ضروری اے جو سارے فریقین تحمل اتے ذمہ دارانہ رویہ اپناون۔