وفاقی وزیر خزانہ دی “پاکستان معاشی و مالیاتی پالیسی دا جائزہ” سیمینار وچ شرکت، عالمی سرمایہ کاراں نال ڳالھ مہاڑ

اسلام آباد۔ 17 اپریل(اے پی پی)وفاقی وزیر خزانہ سینیٹر محمد اورنگزیب ورلڈ بینک اتے آئی ایم ایف دے بہار اجلاس 2026 دے موقع تے جے پی مورگن ولوں “پاکستان: معاشی و مالیاتی پالیسی دا جائزہ” دے عنوان نال تھیوݨ آلے سرمایہ کاری سیمینار اچ شرکت کیتی جتھاں انہاں عالمی سرمایہ کاراں نال ڳالھ مہاڑ کیتی، ایں موقع تے سٹیٹ بینک دے گورنر وی شریک ہن۔ وزیر خزانہ ݙسایا جو پاکستان آئی ایم ایف نال ایکسٹینڈڈ فنڈ فیسلٹی (ای ایف ایف) دے تریجھے جائزے اتے ریزیلینس اینڈ سسٹین ایبلٹی فیسلٹی (آر ایس ایف) دے ݙوجھے جائزے کیتے سٹاف لیول معاہدہ مکمل کر ڳھدے جیندے منظوری تیکھے متوقع اے۔ سینیٹر اورنگزیب آکھیا جو پاکستان اپݨیاں ساریاں بیرونی مالی ذمہ داریاں ویلھے تے پوری کریسی۔ وزیر خزانہ سرمایہ کاراں کوں پاکستان دے پہلے پانڈا بانڈ دے اجرا بارے پیش رفت توں دا ݙسایا جیڑھا مالی وسائل کوں متنوع ٻݨاوݨ دی حکمت عملی دا حصہ اے۔ انہاں خطے اچ جاری صورتحال دے تناظر اچ توانائی دی فراہمی دے انتظام بارے حکمت عملی تے تفصیلی الایا جیندے اچ طلب دا انتظام، مارکیٹ دے مطابق فیصلے تے مکمل قیمتاں دی منتقلی شامل اے ڄڈانجو کمزور طبقیاں کیتے ہدفی ڈیجیٹل سبسڈیز ݙتیاں ویندیاں پئن۔ چھیکڑ تے سوال و جواب دے سیشن اچ سرمایہ کاراں آئی ایم ایف دی ممکنہ اضافی معاونت، نجکاری پروگرام اتے موجودہ صورتحال اچ پاکستان دے کردار بارے سوال کیتے۔