اقتصادی سروے 2025-26 کل خمیس کوں پیش کیتا ونڄیسی

اسلام آباد۔ 10 جون (اے پی پی) پاکستان دا اقتصادی سروے برائے مالی سال 2025-26 جیڑھا وفاقی بجٹ توں پہلے ملکی معیشت دی کارکردگی دا جامع جائزہ پیش کرݨ آلی اہم دستاویز اے، خمیس (11 جون) دی ݙوپہر جاری کیتا ونڄیسی۔ وزارتِ خزانہ توں جاری کردہ اعلامیہ دے مطابق وفاقی وزیرِ خزانہ تے محصولات سینیٹر محمد اورنگزیب اقتصادی سروے 2025-26 دا باضابطہ اجراء کریسن۔ اقتصادی سروے وفاقی بجٹ توں پہلے ہک اہم دستاویز دے طور تے پیش کیتا ویندے جئیں اچ گزرݨ آلے مالی سال دے دوران ملک دی سماجی و اقتصادی کارکردگی دا تفصیلی جائزہ شامل ہوندے۔ سروے اچ زراعت، صنعت، مینوفیکچرنگ، خدمات، توانائی، انفارمیشن ٹیکنالوجی تے ٹیلی کمیونیکیشن، سرمایہ کاری و کیپٹل مارکیٹس، صحت، تعلیم، ٹرانسپورٹ تے مواصلات سمیت مختلف شعبیاں دی کارکردگی، کامیابیاں تے درپیش چیلنجز دا احاطہ کیتا ونڄیسی۔ ایں دے علاوہ سماجی تحفظ دے پروگراماں، ماحولیاتی پائیداری تے بنیادی ڈھانچے دی ترقی توں متعلق پیش رفت وی سروے دا حصہ ہوسی۔ دستاویز اچ مہنگائی، تجارت، ادائیگیوں دے توازن، سرکاری قرضوں، آبادی اچ اضافے، روزگار دی صورتحال تے موسمیاتی تبدیلیاں دے اثرات سمیت اہم معاشی اشاریاں دے تازہ ترین اعداد و شمار وی پیش کیتے ویسن۔ اقتصادی سروے دا مقصد قومی معیشت دی مجموعی تصویر پیش کریندے ہوئیں عوامی مباحثے تے پالیسی سازی دے عمل اچ معاونت فراہم کرݨ اے تاں جو نویں مالی سال کیتے مؤثر منصوبہ بندی کیتی ونڄ سڳے۔ توقع اے جو اے سروے آئندہ وفاقی بجٹ دی بنیاد فراہم کریسی تے مالیاتی استحکام، معاشی استحکام تے جامع ترقی دے حکومتی اہداف دے حصول اچ رہنمائی دا کردار ادا کریسی۔