اسلام آباد۔ 12 جون (اے پی پی) نائب وزیراعظم تے وزیر خارجہ سینیٹر محمد اسحاق ڈار یورپی یونین دی اعلیٰ نمائندہ خارجہ امور تے نائب صدر کاجا کالاس نال ٹیلیفونک ڳالھ مہاڑ کیتی جیں اچ امریکہ تے ایران وچال اڄوکی پیش رفت تے سانجھی مفاہمت دے امکانات تے ڳالھ کیتی۔دفتر خارجہ موجب ایں ڳالھ مہاڑ دے دوران ݙوہیں رہنماواں مسلسل سفارتی کوششاں دے نتیجے اچ پیش رفت دا خیرمقدم کیتا …
نائب وزیراعظم محمد اسحاق ڈار دی یورپی یونین دی اعلیٰ نمائندہ برائے خارجہ امور کاجا کالاس نال ٹیلیفون تے ڳالھ مہاڑ
مزید خبراں
اسلام آباد۔ 12 جون (اے پی پی) نائب وزیراعظم تے وزیر خارجہ سینیٹر محمد اسحاق ڈار یورپی یونین دی اعلیٰ نمائندہ خارجہ امور تے نائب صدر کاجا کالاس نال ٹیلیفونک ڳالھ مہاڑ کیتی جیں اچ امریکہ تے ایران وچال اڄوکی پیش رفت تے سانجھی مفاہمت دے امکانات تے ڳالھ کیتی۔دفتر خارجہ موجب ایں ڳالھ مہاڑ دے دوران ݙوہیں رہنماواں مسلسل سفارتی کوششاں دے نتیجے اچ پیش رفت دا خیرمقدم کیتا تے ایں امید دا اظہار کیتا جو جاری سفارتی عمل وقتی ہک پائیدار مفاہمت تے جھیڑے دے پرامن حل دا رستہ ہموار کریسی۔فریقین ایں ڳالھ تے وی اتفاق کیتا جو جھیڑیں دے حل، علاقائی استحکام دے ودھارے تے دیرپا امن دے قیام کیتے مذاکرات تے سفارت کاری ہی واحد موثر تے قابل عمل رستہ اے۔ ݙوہیں رہنماواں بین الاقوامی تے علاقائی معاملات اچ تعمیری سفارتی رابطے جاری رکھݨ دی اہمیت تے زور ݙیندے امن، استحکام تے سانجھے تعاون دے ودھارے دے عزم دا اعادہ کیتا۔
