آئندہ مالی سال دے پی ایس ڈی پی اچ انفیکشیئس ڈیزیز لیبارٹری منصوبے کیتے 1200 ملین روپے رکھیے ڳئن

اسلام آباد۔ 12 جون (اے پی پی) پبلک سیکٹر ڈویلپمنٹ پروگرام (پی ایس ڈی پی) دے تحت آئندہ مالی سال کیتے وزارتِ قومی صحت دی انفیکشیئس ڈیزیز لیبارٹری منصوبے کیتے 1200 ملین روپے مختص کیتے ڳئن۔ جمعہ کوں جاری پی ایس ڈی پی دستاویز دے مطابق انفیکشیئس ڈیزیز لیبارٹری منصوبے کیتے 30 جون 2026ء تئیں متوقع اخراجات دا حجم 5843.325 ملین روپے تئیں اے، جڈانجو آئندہ مالی سال کیتے انفیکشیئس ڈیزیز لیبارٹری منصوبے کیتے 1200 ملین روپے دے فنڈز رکھیے ڳئن۔