پاور ڈویژن دے منصوبیاں کیتے 88,000 ملین روپے دا ترقیاتی بجٹ رکھیا ڳئے

اسلام آباد۔ 12 جون (اے پی پی) وفاقی حکومت آئندہ مالی سال 2026-27 دے کیتے سرکاری شعبے دے سالانہ ترقیاتی پروگرام (پی ایس ڈی پی) دے تحت پاور ڈویژن دے منصوبیاں کیتے 88,000 ملین روپے دا ترقیاتی بجٹ رکھیے۔ جمعہ کوں جاری پی ایس ڈی پی دستاویز دے مطابق پہلے توں جاری منصوبیاں کیتے 83,823.036 ملین روپے تے نویں منصوبیاں کیتے 4176.964 ملین روپے مختص کیتے ڳئن۔ اہم جاری منصوبیاں اچ ضلع خضدار اچ 132 کلو واٹ گریڈ سٹیشن دی تعمیر کیتے 181 ملین روپے، ہری پور سب سٹیشن کیتے 11,00 ملین روپے، 500 کے ایچ وی ڈی سی ٹرانسمیشن سسٹم (تاجکستان و پاکستان انٹرکنیکشن) کیتے 5113.510 ملین روپے، ورلڈ بینک دے تعاون توں تربیلا 5ویں توسیع ورلڈ بینک کیتے 442 ملین روپے، 220 کلوواٹ دے وی عارف والا سب اسٹیشن اے ایف ڈی کیتے 984.640 ملین روپے، الیکٹریسٹی ڈسٹریبیوشن ایفیشنسی امپروومنٹ پروجیکٹ (ای ڈی ای آئی پی) کیتے 2418.051 ملین روپے، 500 کلو واٹ ڈبل سرکٹ ٹرانسمیشن لائن غازی بروتھہ تا فیصل آباد ویسٹ اے ڈی بی کیتے 2608.061 ملین روپے رکھیے ڳئن.نویں منصوبیاں اچ BESS فریکوئنسی ریگولیشن کیتے 3027.286 ملین روپے، ٹرانسمیشن دے ذریعے توانائی سکیورٹی دے فروغ دی صلاحیت سازی (بیسٹ-پاک پروگرام) کیتے 550.183 ملین روپے، لیسکو دے تحت اے ڈی بی پاور ڈسٹریبیوشن اسٹرینتھیننگ پروجیکٹ-II دے تحت تھری فیز اے ایم آئی میٹرز دی فراہمی کیتے 599.515 ملین روپے مختص کیتن۔