داخلہ اتے منشیات کنٹرول ڈویژن دے ترقیاتی منصوبیاں کیتے 21,824.9 ملین روپے مختص

اسلام آباد۔ 12 جون (اے پی پی)وفاقی حکومت پی ایس ڈی پی دے تحت داخلہ اتے منشیات کنٹرول ڈویژن دے ترقیاتی منصوبیاں کیتے مجموعی طور تے 21,824.9 ملین روپے دے فنڈز رکھ ݙتن۔ داخلہ ڈویژن دے ترقیاتی فنڈز دا وݙا حصہ جاری اتے نویں اہم سکیورٹی سکیماں کیتے تجویز کیتا ڳئے۔ مالی سال 2026-27 اچ اسلام آباد سیف سٹی پراجیکٹ دی توسیع کیتے 2,699.339 ملین روپے، اسلام آباد اچ ماڈل جیل (H-16) دی تعمیر کیتے 1,000 ملین روپے، نیشنل فورینسک فیسلٹیز (NFA) کیتے 2,000 ملین روپے اتے نادرا دے ڈیجیٹل اکانومی انہانسمنٹ پراجیکٹ کیتے 2,755 ملین روپے رکھے ڳئن۔ نویاں سکیماں دے تحت دارالحکومت اسلام آباد اچ ایف سی ہیڈ کوارٹر (H-11) دے قیام کیتے 1,000 ملین روپے اتے ہیڈ کوارٹرز ایف سی بلوچستان (ویسٹ) دی تعمیر کیتے 500 ملین روپے مختص کیتے ڳئن۔