وزارتِ دفاع اتے دفاعی پیداوار دے ترقیاتی منصوبیاں کیتے مجموعی طور تے 11,882.34 ملین روپے مختص

اسلام آباد۔ 12 جون (اے پی پی)وفاقی حکومت پی ایس ڈی پی دے تحت وزارتِ دفاع دے ترقیاتی منصوبیاں کیتے 10,902.5 ملین روپے اتے دفاعی پیداوار ڈویژن کیتے 979.840 ملین روپے دے فنڈز مختص کر ݙتن۔ پی ایس ڈی پی دستاویز دے مطابق مالی سال 2026-27 اچ دفاعی شعبے دے جاری منصوبیاں اچ نیو گوادر انٹرنیشنل ایئرپورٹ پراجیکٹ کیتے 2,550 ملین روپے، این آئی ایچ ڈی سینٹر آف ایکسی لینس فار کارڈیو ویسکولر ریسرچ کیتے 1,152.5 ملین روپے، کوانٹم ویلی پاکستان (فیز-1) کیتے 1,053.8 ملین روپے، اے ایف آئی سی اتے این آئی ایچ ڈی راولپنڈی دی توسیع کیتے 1,000 ملین روپے اتے اسلام آباد ایئرپورٹ تے رین واٹر ہارویسٹنگ ڈیم کیتے 500  ملین روپے مختص کیتے ڳئن۔ ایویں ہی نویاں سکیماں اچ این ڈی یو ایف سی ایس کیمپس اسلام آباد کیتے 500 ملین روپے اتے روبوٹکس سینٹر آف ایکسی لینس کیتے 100 ملین روپے تجویز تھئن، دفاعی پیداوار دے تحت کراچی شپ یارڈ انفراسٹرکچر اپ گریڈیشن کیتے 820.939 ملین روپے رکھین۔