بجٹ اچ دفاعی اخراجات اچ ودھارا ویلھے دی ضرورت ہئی، بھارت دے نال حالیہ جنگ اچ اساݙی فوج بہترین کارکردگی دا مظاہرہ کیتے۔ وزیرِ دفاع خواجہ محمد آصف

اسلام آباد۔ 12 جون (اے پی پی) وزیرِ دفاع خواجہ محمد آصف آکھیا جو بجٹ اچ دفاعی اخراجات اچ ودھارا ویلھے دی ضرورت ہئی، بھارت دے نال حالیہ جنگ اچ اساݙی فوج بہترین کارکردگی دا مظاہرہ کیتے۔ انھاں جمعہ کوں قومی اسمبلی اچ بجٹ پیش تھیوݨ دے بعد صحافیاں نال ڳالھ مہاڑ کریندیں ہوئیں آکھیا جو خطے دی صورتحال ایران، اسرائیل تے امریکہ دی جنگ پاروں ٻہوں زیادہ غیر متوازن اے، اساݙے پڑوس اچ مودی سرکار جارحانہ عزائم رکھیندی اے اتے پاکستان دے خلاف جارحیت کوں آپݨا فریضہِ اول سمجھدی اے، ایں کیتے وطنِ عزیز دے دفاع تے فوجی صلاحیت کوں جدید تقاضیاں دے مطابق ہم آہنگ کرݨ کیتے بجٹ اچ اضافہ ضروری اے۔ انھاں آکھیا جو پاکستان دا دفاع مضبوط اے، پاک فوج دا ہر جوان وطنِ عزیز تے قربان تھیوݨ دے جذبے نال سرشار اے، خطے دی صورتحال دے پیشِ نظر وی دفاعی بجٹ اچ اضافہ وقت دا تقاضا اے۔ ہک سوال تے انھاں آکھیا جو ایران، اسرائیل تے امریکہ دی جنگ نال پوری دنیا سمیت خطے اچ صورتحال غیر معمولی اے، ایں کیتے اساں سمجھدوں جو ملک دے دفاع کوں مضبوط توں مضبوط ترین بݨاوݨ کیتے وسائل کوں بروئے کار لایا ونڄے