وزیراعظم شہباز شریف دا میران شاہ تے نواحی علاقیاں اچ سکیورٹی آپریشنز دے دوران فتنہ الخوارج دے 21 دہشت گرداں کوں ہلاک کرݨ تے سکیورٹی فورسز کوں خراجِ تحسین

اسلام آباد۔13 جون (اے پی پی) وزیراعظم محمد شہباز شریف شمالی وزیرستان دے علاقے میران شاہ تے نواحی علاقیاں اچ سکیورٹی آپریشنز دے دوران بھارتی حمایت یافتہ فتنہ الخوارج دے 21 دہشت گرداں کوں ہلاک کرݨ تے سکیورٹی فورسز کوں خراجِ تحسین پیش کیتے۔ ہفتہ کوں وزیر اعظم آفس دے میڈیا ونگ توں جاری بیان دے مطابق وزیر اعظم آکھیا جو سکیورٹی فورسز کامیاب آپریشن اچ انتہائی مطلوب 4 خارجی سرغناں سمیت کئی دہشت گرداں کوں جہنم واصل کیتے، عزمِ استحکام دے ویژن دے تحت بہادر سکیورٹی فورسز دہشت گردی دے خلاف وݙیاں کامیابیاں حاصل کریندی پئن۔ وزیر اعظم ایں عزم دا اعادہ کیتا جو ملک توں دہشت گردی دے مکمل خاتمے تئیں دہشت گرداں دے خلاف اساݙی جنگ جاری رہسی۔