اسلام آباد۔13 جون (اے پی پی) قطر دے وزیراعظم و وزیرِ خارجہ شیخ محمد بن عبدالرحمن بن جاسم آل ثانی پاکستان دی امن کوششاں دی حمایت تے فخر دا اظہار کریندیں ہوئیں ایں امید دا اظہار کیتے جو انھاں اقدامات دے نتیجے اچ خطے اچ پائیدار امن قائم تھیسی۔ قطر دے وزیراعظم و وزیرِ خارجہ وزیراعظم محمد شہباز شریف کوں ہفتہ کوں فون کیتا۔ وزیراعظم آفس دے میڈیا ونگ توں …
قطر دے وزیراعظم تے وزیرِ خارجہ دا وزیراعظم شہباز شریف کوں ٹیلی فون، پاکستان دی امن کوششاں دی حمایت تے فخر دا اظہار
مزید خبراں
اسلام آباد۔13 جون (اے پی پی) قطر دے وزیراعظم و وزیرِ خارجہ شیخ محمد بن عبدالرحمن بن جاسم آل ثانی پاکستان دی امن کوششاں دی حمایت تے فخر دا اظہار کریندیں ہوئیں ایں امید دا اظہار کیتے جو انھاں اقدامات دے نتیجے اچ خطے اچ پائیدار امن قائم تھیسی۔ قطر دے وزیراعظم و وزیرِ خارجہ وزیراعظم محمد شہباز شریف کوں ہفتہ کوں فون کیتا۔ وزیراعظم آفس دے میڈیا ونگ توں جاری کیتے ڳئے بیان دے مطابق وزیراعظم ریاستِ قطر دے امیر شیخ تمیم بن حمد آل ثانی، تے قطر دے برادر عوام کیتے نیک تمناواں دا اظہار کیتا۔ قطری وزیراعظم وی انھاں جذبات دا بھرپور خیرمقدم کریندیں ہوئیں جوابی نیک خواہشات دا اظہار کیتا۔ وزیراعظم خلیج دے بحران دے دوران امن دے قیام کیتے پاکستان دی کوششاں دی بھرپور حمایت اتے قطر دا دلوں شکریہ ادا کیتا اتے ݙسایا جو متعلقہ فریقین وچال امن معاہدہ ٻہوں جلدی دستخط کیتے تیار تھیسی۔ پاکستان دی خصوصی سفارتی تے امن کوششاں کوں سراہیندیں ہوئیں قطر دے وزیراعظم وزیراعظم محمد شہباز شریف تے فیلڈ مارشل سید عاصم منیر کوں خراجِ تحسین پیش کیتا جنھاں سفارتی کوششاں کوں مؤثر انداز اچ اڳوں ودھاوݨ اچ کلیدی کردار ادا کیتا۔ انھاں وزیراعظم کوں یقین ݙوایا جو قطر، پاکستان دی امن کوششاں دی حمایت تے فخر محسوس کریندے اتے امید ظاہر کیتی جو انھاں اقدامات دے نتیجے اچ خطے اچ پائیدار امن قائم تھیسی۔ وزیراعظم ایں موقع تے ریاستِ قطر دے امیر شیخ تمیم بن حمد آل ثانی کوں پاکستان دے سرکاری دورے دی آپݨی دعوت دا اعادہ وی کیتا، جئیں تے ݙوہیں رہنماواں وچال پہلے ای اتفاق تھی ڳئے۔ ݙوہیں رہنماواں قریبی رابطے اچ رہݨ تے وی اتفاق کیتا۔
