وزرا آپݨے گھراں دے گیس تے بجلی دے یوٹیلٹی بلز آپ ݙیندن، سینیٹر اعظم نذیر تارڑ

اسلام آباد۔14 جون (اے پی پی) وفاقی وزیر برائے قانون تے انصاف سینیٹر اعظم نذیر تارڑ آکھیا جو وزرا آپݨے گیس تے بجلی دے یوٹیلٹی بلز آپ ݙیندن، انھاں کوں ملݨ آلے 400 لیٹر پٹرول اچ ڳھٹکی کر تے 200 لیٹر کر ݙتا ڳئے۔ اتوار کوں قومی اسمبلی اچ وضاحت کریندیں ہوئیں انھاں آکھیا جو وزرا دے گھراں دے یوٹیلیٹی بلز دی ادائیگی حکومت نئی، اساں خود کریندوں. وزرا کوں 400 لیٹر پٹرول ملدا ہئی جیڑھا بچت اقدامات دے تحت گھٹ کر تے پہلے ای 200 لیٹر کر ݙتا ڳئے، 200 لیٹر پیٹرول دے علاوہ وزرا کوئی چیز نئی گھندے پئے۔ جے ممبران پیٹرول دے معاملے تے ڳالھ کرݨا چاہندن تاں تھی سڳدی اے۔