صدر آصف علی زرداری دا امریکہ اتے ایران وچال مفاہمت دے اعلان دا خیرمقدم

اسلام آباد۔15 جون (اے پی پی)صدرِ مملکت آصف علی زرداری امریکہ اتے ایران وچال مفاہمت دے اعلان دا خیرمقدم کریندے توقع کیتی اے جو اے ہک حتمی معاہدے دی راہ پدھری کریسی اتے خطے اچ پائیدار و جامع امن دی ٻݨنیاد ٻݨسی۔ سنوار کوں ’’ایکس‘‘ (ٹویٹر) اتے اپݨے بیان اچ صدرِ مملکت آکھیا جو پاکستان کوں ماݨ اے جو ایں مشکل دور اچ پاکستان ہمیشہ مذاکرات اتے سفارت کاری دی مسلسل حمایت کیتی اے۔ اے پیش رفت کثیرالجہتی تعاون کوں مضبوط ٻݨاوݨ تے باہمی احترام و بامعنی روابط نال تنازعات دے پرامن حل کوں ودھاوݨ کیتے ہک اہم قدم اے۔ انھاں دعا کیتی جو اے کوششاں خطے اتے پوری دنیا کیتے مزید امن، استحکام اتے خوشحالی دا باعث ٻݨن۔