امریکہ ایران امن معاہدہ پاکستان کیتے اہم aتے تاریخی سفارتی کامیابی اے، وزیر دفاع خواجہ محمد آصف

اسلام آباد۔15 جون(اے پی پی)وزیر دفاع خواجہ محمد آصف آکھیے جو امریکہ ایران امن معاہدہ پاکستان کیتے اہم اتے تاریخی سفارتی کامیابی اے، امریکہ خطے اچ امن کیتے ٻہوں وݙا قدم چاتے، برادر خلیجی ممالک امن کیتے ایں سنہرے موقع توں فائدہ چاون۔ قومی اسمبلی اجلاس اچ امریکہ ایران امن معاہدے تے الیندے وزیر دفاع آکھیا جو پاکستان تاریخ موڑ توں لنڳھدا پئے اتے دنیا اچ پاکستان دی عزت اتے وقار اچ ودھارا تھئے، پاکستان اتے پاکستان دی قیادت جیڑھی تحمل، بردباری اتے دانشمندی نال ایں معاملے کوں حل کیتے اے 75 سالہ تاریخ دا اہم سنگِ میل اے۔ وزیر دفاع آکھیا جو ایرانی بھراواں جیڑھے نازک ویلھے صبر ݙکھائے اتے قیادت ایرانی قوم دی اڳواݨی کیتی اے او قابل تحسین اے، اللہ تعالیٰ اڄ انھاں تے اپݨا کرم کیتے، ڄیکر امتِ مسلمہ ایہو جھیاں اتحاد ݙکھاوے تاں تیکھے فلسطین دا مسئلہ وی حل تھی ویسی۔ انھاں آکھیا جو اللہ تعالیٰ پاکستان کوں اعزاز بخشیے، پاکستان سفارتی محاذ تے اہم کامیابی حاصل کیتی اے، اللہ ساݙیاں امن کوششاں دا پھل ݙتے، تھوڑی ڄھیں مد اچ ݙو وݙیاں کامیابیاں پوری قوم سا سر ماݨ نال اچا کیتے، ایں اتحاد نال اساں دہشت گردی اتے معاشی محاذ تے جنگاں اچ وی سرخرو تھیسوں کیوں جو دہشت گردی دے خلاف جنگ اساں ساریاں دی دی سانڄھی جنگ اے۔ وزیر دفاع امید کیتی جو امریکا ایں مفاہمت کیتے اپݨا کردار ادا کریسی ڄݙاں جو برادر خلیجی ملک وی اتحاد اتے امن دے ایں لمحے توں فائدہ چیسن۔