محرم الحرام 1448 ہجری دا چن نئیں ݙسیا، یکم محرم ٻدھ 17 جون کوں ہوسی

اسلام آباد۔15 جون (اے پی پی)محرم الحرام 1448 ہجری دا چن نئیں ݙسیا، یکم محرم ٻدھ 17 جون کوں ہوسی۔ سنوار کوں وزارتِ مذہبی امور دے جاری کیتے ڳئے نوٹیفکیشن دے مطابق مرکزی رویتِ ہلال کمیٹی دا اجلاس لاہور اچ کمیٹی دے چیئرمین مولانا محمد عبدالخبیر آزاد دی زیرِ صدارت تھئے۔ اجلاس اچ ملک بھر توں محرم الحرام دا چن ݙسݨ دی کوئی شہادت نئیں ملی۔ مرکزی رویتِ ہلال کمیٹی دے چیئرمین مولانا محمد عبدالخبیر آزاد اعلان کیتے جو یکم محرم الحرام 1448 ہجری ٻدھ 17 جون کوں ہوسی، جیںدا وزارتِ مذہبی امور نوٹیفکیشن وی جاری کر ݙتے۔