وزیراعظم دا اٹک اچ فتنہ الخوارج دے دہشت گرداں دے خلاف کامیاب کارروائی تے محکمہ انسدادِ دہشت گردی کوں خراجِ تحسین

اسلام آباد۔16 جون(اے پی پی)وزیراعظم محمد شہباز شریف ضلع اٹک اچ فتنہ الخوارج دے دہشت گرداں دے خلاف کامیاب کارروائی تے محکمہ انسدادِ دہشت گردی (سی ٹی ڈی) کوں خراجِ تحسین پیش کیتے۔ منگل کوں وزیراعظم آفس دے میڈیا ونگ توں جاری کیتے ڳئے بیان دے مطابق وزیراعظم فتنہ الخوارج دے پنج دہشت گرداں کوں ہلاک کرݨ تے محکمہ انسدادِ دہشت گردی دی پذیرائی کیتی۔ انھاں آکھیا جو دہشت گردی دے خلاف جنگ اچ سکیورٹی فورسز، پولیس اتے سی ٹی ڈی نمایاں کامیابیاں حاصل کریندیاں پئن، ملک توں ہر قسم دی دہشت گردی دے مکمل خاتمے کیتے پرعزم ہیں۔