حکومت صومالیہ اچ 10 یرغمال پاکستانیاں دی رہائی توں غافل نئیں، وفاقی وزیر قانون

اسلام آباد۔16 جون (اے پی پی)وفاقی وزیر قانون و انصاف اعظم نذیر تارڑ آکھیے جو صومالیہ اچ 10 یرغمال پاکستانیاں دی رہائی توں حکومت ان ڄاݨ نئیں۔ منگل کوں قومی اسمبلی اچ عبدالقادر پٹیل ولوں معاملہ چاوݨ تے انھاں ایوان کوں ݙسایا جݙاں پہلی واری اے معاملہ ایوان اچ چاتا ڳیا ہئی تاں اوں ہی ݙینھ نائب وزیراعظم نال رابطہ کیتا ڳیا ہئی۔ نائب وزیراعظم و وزیر خارجہ سینیٹر محمد اسحاق ڈار صومالیہ دے اپݨے ہم منصب نال رابطہ وی کیتا ہئی۔ انھاں آکھیا جو سیکرٹری خارجہ دا صومالیہ دے متعلقہ حکام نال مسلسل رابطہ اے، جبوتی دا مشن وی اے معاملہ ݙیہدا پئے۔ وزیر قانون آکھیا جو یرغمالی ساݙے شہری ہن اتے حکومت انھاں توں غافل نئیں۔