لاہور۔16 جون(اے پی پی)وفاقی وزیرِ داخلہ محسن نقوی جماعتِ اسلامی دے مرکز منصورہ دا دورہ کیتا اتے امیرِ جماعتِ اسلامی حافظ نعیم الرحمن نال ملین۔ ملاقات اچ ملک دی مجموعی سیاسی، معاشی اتے امن و امان دی صورتحال سودھا اہم علاقائی و عالمی امور تے تفصیلی ڳالھ تھئی۔ ملاقات اچ ایران اتے امریکہ وچال حالیہ مفاہمت دے بعد خطے دی بدلدی صورتحال تے ڳالھ تھئی۔ ݙوہائیں رہنماواں ایں مفاہمت کوں …
وفاقی وزیرِ داخلہ دا منصورہ دا دورہ، امیرِ جماعتِ اسلامی نال ملاقات
مزید خبراں
لاہور۔16 جون(اے پی پی)وفاقی وزیرِ داخلہ محسن نقوی جماعتِ اسلامی دے مرکز منصورہ دا دورہ کیتا اتے امیرِ جماعتِ اسلامی حافظ نعیم الرحمن نال ملین۔ ملاقات اچ ملک دی مجموعی سیاسی، معاشی اتے امن و امان دی صورتحال سودھا اہم علاقائی و عالمی امور تے تفصیلی ڳالھ تھئی۔ ملاقات اچ ایران اتے امریکہ وچال حالیہ مفاہمت دے بعد خطے دی بدلدی صورتحال تے ڳالھ تھئی۔ ݙوہائیں رہنماواں ایں مفاہمت کوں خطے دے استحکام اتے پائیدار امن کیتے چنڳاں قرار ݙتے۔ وزیرِ داخلہ ایران امریکہ مذاکرات دی کامیابی اتے ایں سانڳے پاکستانی حکومت ولوں کیتے ڳئے بیک ڈور اقدامات تے امیرِ جماعتِ اسلامی کوں اعتماد اچ گھدا۔ وفاقی وزیرِ داخلہ محسن نقوی آکھیا جو خطے اچ کشیدگی مکاݨ دا کریڈٹ پاکستان کوں ویندے، ایں تاریخی امن مشن کیتے وزیراعظم اتے فیلڈ مارشل ناقابلِ فراموش کردار ادا کیتے۔ امیرِ جماعتِ اسلامی حافظ نعیم الرحمن ایں تاریخی کامیابی تے پاکستان دے مخلصانہ اتے سفارتی کردار دی تعریف کریندے آکھیا جو ایران امریکہ مفاہمت دے حوالے نال پاکستان دے تاریخی کردار کوں ہمیشہ یاد رکھیا ویسی، جیندے نال خطے اچ امن دی راہ نکلی اے۔ انہاں صومالیہ اچ پھسیے پاکستانی شھریاں دا معاملہ وی چاتا جو حکومت صومالیہ اچ پھسیے پاکستانیاں دی فوری، بحفاظت اتے باوقار بازیابی کیتے اپݨا مؤثر سفارتی کردار ادا کرے جیندے تے وزیر داخلہ فوریا قدامات دا یقین ݙیوایا۔
