پیغامِ امن کمیٹی دا اجلاس؛ محرم اچ فساد کھنڈاوݨ والے سوشل میڈیا اکائونٹس دے خلاف سخت کارروائی دا فیصلہ

اسلام آباد۔16 جون(اے پی پی)وفاقی وزیرِ داخلہ محسن نقوی اتے وزیرِ مملکت برائے داخلہ طلال چوہدری دی زیرِ صدارت پیغامِ امن کمیٹی دا ہک خصوصی اجلاس تھئے جیندے اچ محرم الحرام اچ بین المسالک ہم آہنگی، مذہبی رواداری دے ودھارے اتے سوشل میڈیا تے فرقہ واریت کھنڈاوݨ والے عناصر دے خلاف سخت ترین قانونی کارروائی دا فیصلہ کیتے۔ اجلاس اچ نامور علمائے کرام، جید رہنماواں، اقلیتی برادری دے نمائندیاں اتے اعلیٰ سول و پولیس حکام شرکت کیتی۔ وزیرِ داخلہ آکھیا جو علمائے کرام نال مضبوط اتے مستقل رابطہ وزارتِ داخلہ دی اولین ترجیح اے، پیغامِ امن کمیٹی کوں ضلع دی سطح تئیں فعال اتے موثر ٻݨایا ویسی جیندے کیتے ہک مستقل رابطہ کار (کوآرڈینیٹر) وی مقرر کیتا ویندا پئے۔ محسن نقوی آکھیا جو اسلام اچ ریاست دے خلاف بغاوت اتے فساد دی کوئی گنجائش کانئی، دہشت گردی و انتہا پسندی دے خلاف قرآن و حدیث دے مطابق عوامی آگاہی دی لوڑھ اے، ایں سانڳے علما اپݨا کردار ادا کرن۔

وزیرِ داخلہ اجلاس ایران اتے امریکہ وچال تاریخی امن مذاکرات دی تفصیل وی ݙسائی جو کئی ملک ایں منیوے اچ ناکام رہین ٻھل فیلڈ مارشل او شخصیت ہن جنھاں تے سارے فریقین کوں مکمل اعتماد ہا، اے فیڈ ماعشل دی بصیرت ہی ہئی جو او خطے کوں وݙی تباہی توں بچاوݨ اچ کامیاب تھئین۔ اجلاس این کامیابی تے پاکستان دی سول و عسکری قیادت دی بصیر کوں زبردست خراجِ تحسین پیش کیتے۔ وزیرِ مملکت طلال چوہدری پیغامِ امن کمیٹی دے مثبت کردار دی تعریف کیتی۔ اجلاس اچ علامہ طاہر محمود اشرفی، سینیٹر حافظ عبدالکریم، مفتی عبدالرحیم، علامہ عارف حسین واحدی، پیر نقیب الرحمن، علامہ محمد حسین اکبر، ڈاکٹر محمد راغب حسین نعیمی، مولانا طیب پنج پیری، علامہ ضیاء اللہ شاہ بخاری، بشپ آزاد مارشل، راجیش کمار، سردار رمیش سنگھ اروڑا سمیت منظور شدہ مدارس بورڈز دے نمائندیاں نے شرکت کیتی۔ سرکاری حکام اچ سیکرٹری داخلہ، ایڈیشنل سیکرٹری مذہبی امور، سیکرٹری انفارمیشن، چیف کمشنر تے آئی جی اسلام آباد وی موجود ہن۔ اجلاس دے اختتام تے ملک دی سلامتی، استحکام تے امن و امان کیتے خصوصی دعا کیتی ڳئی۔