پاکستان 30 ایرانی شہریاں دی وطن واپسی اچ سہولت ݙیوݨ تے خوش اے، نائب وزیراعظم محمد اسحاق ڈار

اسلام آباد۔17 جون (اے پی پی)نائب وزیراعظم تے وزیرِ خارجہ سینیٹر محمد اسحاق ڈار آکھیے جو پاکستان 30 ایرانی شہریاں دی وطن واپسی اچ سہولت ݙیوݨ تے خوش اے۔ ایکس (ٹویٹر) تے جاری ہک بیان اچ انھاں آکھیا جو انھاں اچ 8 ایرانی ماہی گیر شامل ہن جنھاں کوں برطانوی بحری جہاز ایم ایم اے ویلر سمندر اچ اوں وقت بچایا جݙاں انھاں دی بیڑی ٻݙݨ لڳی اتے پھس ڳئی۔ نائب وزیراعظم آکھیا جو ایں توں علاوہ لینور/داوینا (Lenore/Davina) نامی جہاز دے 22 ایرانی عملے دے ارکان وی شامل ہن جنھاں کوں حال ہی اچ امریکی حکام تحویل اچ گھدا ہئی۔ انھاں آکھیا جو ݙوہائیں گروپاں دے آندے کڄھ ݙینھاں اچ کراچی توں راہداری دے طور تے گزرݨ دی توقع اے۔ سینیٹر محمد اسحاق ڈار آکھیا جو پاکستان ایرانی، امریکی اتے برطانوی حکام نال قریبی رابطے اچ اے تاں جو انھاں ایرانی شہریاں دی محفوظ آمدورفت اتے تیکھے اپݨے وطن واپسی کوں یقینی ٻݨایا ونڄ سڳے۔