اسلام آباد۔17 جون(اے پی پی)وزیرِ اعظم محمد شہباز شریف آکھیے جو عوام دوست بجٹ نال صنعت دا پہیہ تیز تھیسی، برآمدات تے مبنی معیشت ودھسی، پوری توجہ آبی ذخائر، آئی ٹی، زراعت اتے معدنیات تے مرکوز اے، خطے اچ امن اتے صورتِ حال معمول تے آوݨ دے مثبت اثرات عوام کوں منتقل کریسوں، اے ممکن نئیں جو عوام قربانی ݙیوݨ اتے اشرافیہ مراعات ڳھندی راہوے۔ انھاں اے ڳالھ مسلم لیگ …
عوام دوست بجٹ نال صنعت دا پہیہ تیز تھیسی، برآمدات تے مبنی معیشت تکڑی تھیسی، وزیرِ اعظم دی مسلم لیگ ن دیاں خواتین ارکانِ پارلیمان نال ملاقات
اسلام آباد۔17 جون(اے پی پی)وزیرِ اعظم محمد شہباز شریف آکھیے جو عوام دوست بجٹ نال صنعت دا پہیہ تیز تھیسی، برآمدات تے مبنی معیشت ودھسی، پوری توجہ آبی ذخائر، آئی ٹی، زراعت اتے معدنیات تے مرکوز اے، خطے اچ امن اتے صورتِ حال معمول تے آوݨ دے مثبت اثرات عوام کوں منتقل کریسوں، اے ممکن نئیں جو عوام قربانی ݙیوݨ اتے اشرافیہ مراعات ڳھندی راہوے۔ انھاں اے ڳالھ مسلم لیگ ن دیاں خواتین ارکانِ پارلیمان نال ملݨ ویلھے آکھی۔ وزیرِ اعظم آفس دے میڈیا ونگ دے جاری بیان دے مطابق وزیراعظم خواتین ارکانِ پارلیمنٹ دا خیر مقدم کریندے جاری بجٹ اجلاس اچ بھرپور شرکت تے انھاں دا شکریہ ادا کیتا۔ وزیراعظم آکھیا جو حکومت جتنا ممکن تھی سڳیا بجٹ اچ عوام کوں ریلیف ݙیوݨ دی کوشش کیتی، بجٹ اچ ملک اچ خواتین کوں خودمختار بݨاوݨ اتے انھاں دی قومی دھارے اچ شمولیت ودھاوݨ کیتے اقدامات شامل ہن۔ پاکستانی خواتین کوں ملکی ترقی اچ ودھ کردار ادا کرݨ کیتے بااختیار بݨاوݨ ترجیح اے، اللہ دے فضل و کرم نال خطے اچ کشیدگی دے بادل چھُٹ ڳئن اتے امن دے قیام دیاں کوششاں رنگ ڳھن آئن، دوست ملکاں دے شکر گزار ہیں جنھاں امن کیتے ودھ ہتھ ونݙائے، کشیدگی دے آغاز توں ہی حکومتِ پاکستان بالخصوص فیلڈ مارشل سید عاصم منیر، نائب وزیراعظم و وزیرِ خارجہ سینیٹر محمد اسحاق ڈار، وزیرِ داخلہ سید محسن رضا نقوی تے پوری ٹیم امن دے قیام دیاں کوششاں اچ خلوصِ نیت دے نال سرگرمِ عمل رہی۔ وزیراعظم آکھیا جو خطے اتے عالمی امن دے دیرپا قیام نال ہی پاکستان اتے خطے دے ملکاں دی معاشی ترقی دا خواب پورا تھیسی، حکومت پچھلے مہینیاں اچ عوام کوں عالمی مہنگائی دی لہر توں جتنا تئیں ممکن تھی سڳیا بچاوݨ دی بھرپور کوشش کیتی، اللہ دے فضل و کرم نال خطے دے ٻئے ملکاں وانگوں نہ تاں ملک اچ کوئی بحران آیا اتے نہ ہی پٹرول کیتے لمبیاں قطاراں ݙیکھݨ کوں ملین۔ وزیراعظم آکھیا جو حکومتی ٹیم دی بہتر منصوبہ بندی نال نہ صرف عوام کوں پریشانی توں پچایا ڳئے ٻھل وفاقی و صوبائی حکومتوں دے تعاون نال متوسط و معاشی طور تے کمزور طبقیاں کیتے تاریخی پیکیج ݙتا ڳیا۔ انھاں آکھیا جو حالیہ بحران اچ سب توں پہلے قربانی دا آغاز کابینہ اتے سرکاری اداریاں توں کیتا، اے ممکن نئی جو ایں ملک دے عوام قربانی ݙیون اتے اشرافیہ مراعات حاصل کریندی راہوے۔ حکومت 128 ارب روپے دی سبسڈی اتے وݙے پیمانے تے کفایت شعاری مہم نال عوام دیاں پریشانیاں کوں گھٹ کرݨ دی بھرپور کوشش کیتی، حالیہ حالات اچ ملکی معیشت کوں مستحکم رکھݨ کیتے وفاق اتے صوبیاں مکمل تعاون کیتا جیںدے تے صوبائی حکومتاں دے مشکور ہیں، ایں صورتِ حال اچ ملکی معیشت دے استحکام اچ عوامی تعاون دا ٻہوں وݙا کردار رہے، مشکل معاشی صورتِ حال اچ عوام دوست بجٹ پیش کیتے، آئندہ سال دے بجٹ اچ ساݙی توجہ ملکی مفادات بالخصوص آبی ذخائر اچ اضافہ، آئی ٹی، زراعت اتے معدنیات تے اے تاں جو پاکستانی معیشت کوں مضبوط بنیاد ݙتی ونڄے۔ خطے اچ امن تے صورتِ حال معمول تے آوݨ دے بعد مثبت معاشی اثرات عوام کوں منتقل کیتے ویسن، ا انشاء اللہ پاکستان کوں دنیا دے ترقی یافتہ ملکاں دی صف اچ کھڑا کریسوں۔ خواتین ارکانِ پارلیمنٹ عالمی و خطے اچ امن دے قیام دیاں کاوشاں تے وزیراعظم کوں بھرپور خراجِ تحسین پیش کیتا۔ اراکینِ پارلیمنٹ اپݨے متعلقہ حلقیاں اچ عوامی فلاح و بہبود دے حوالے نال جاری منصوبیاں اتے بجٹ کیتے تجویزاں وی ݙتن۔
