اسلام آباد۔17 جون(اے پی پی)وزیراعظم محمد شہباز شریف قومی ترقی کیتے وفاق اتے صوبیاں وچال مؤثر رابطہ کاری اتے باہمی تعاون کوں اہم قرار ݙتے۔ ٻدھ کوں وزیراعظم آفس دے میڈیا ونگ توں جاری بیان دے مطابق وزیراعظم محمد شہباز شریف نال چیئرمین پاکستان پیپلز پارٹی بلاول بھٹو زرداری ملین۔ ایں موقع تے نائب وزیراعظم و وزیرِ خارجہ محمد اسحاق ڈار، وفاقی وزیرِ خزانہ محمد اورنگزیب، وفاقی وزیرِ قانون اعظم …
وزیراعظم محمد شہباز شریف نال بلاول بھٹو زرداری دی ملاقات
اسلام آباد۔17 جون(اے پی پی)وزیراعظم محمد شہباز شریف قومی ترقی کیتے وفاق اتے صوبیاں وچال مؤثر رابطہ کاری اتے باہمی تعاون کوں اہم قرار ݙتے۔ ٻدھ کوں وزیراعظم آفس دے میڈیا ونگ توں جاری بیان دے مطابق وزیراعظم محمد شہباز شریف نال چیئرمین پاکستان پیپلز پارٹی بلاول بھٹو زرداری ملین۔ ایں موقع تے نائب وزیراعظم و وزیرِ خارجہ محمد اسحاق ڈار، وفاقی وزیرِ خزانہ محمد اورنگزیب، وفاقی وزیرِ قانون اعظم نذیر تارڑ اتے وفاقی وزیرِ اقتصادی امور احد چیمہ وی موجود ہن۔ سینیٹر شیری رحمان اتے رکنِ قومی اسمبلی سید نوید قمر وی چیئرمین پاکستان پیپلز پارٹی دے نال ہن۔
چیئرمین بلاول بھٹو زرداری مشرقِ وسطیٰ دی صورتِ حال سانڳے پاکستان دی عالمی امن کیتے سفارتی کوششاں تے وزیراعظم محمد شہباز شریف اتے فیلڈ مارشل سید عاصم منیر کوں خراجِ تحسین پیش کیتا۔ ملاقات اچ باہمی دلچسپی دے سیاسی اتے ملکی امور تے وی ڳالھ تھئی۔ وزیراعظم اتے بلاول بھٹو زرداری وفاقی حکومت ولوں صوبہِ سندھ اچ جاری ترقیاتی منصوبیاں دا جائزہ وی گھدا۔ ملاقات اچ بجٹ بارے وی ڳالھ مہاڑ تھئی۔ وزیراعظم وفاق اتے صوبیاں وچال مؤثر رابطہ کاری اتے باہمی تعاون کوں قومی ترقی کیتے لازمی قرار ݙتا۔ ملاقات اچ اتفاق کیتا ڳیا جو قومی اہمیت دے منصوبیاں دی کامیاب تکمیل اتے عوام کوں بہتر سہولیات کیتے وفاقی و صوبائی اداریاں وچال قریبی تعاون جاری رکھیا ویسی۔ بلاول بھٹو زرداری گلگت بلتستان اچ حکومت سازی اچ حمایت تے وزیرِ اعظم دا شکریہ ادا کیتا۔
