اسلام آباد۔18 جون(اے پی پی)وفاقی وزیرِ بین الصوبائی رابطہ رانا ثناء اللہ نال پاکستان اچ تعینات روسی سفیر البرٹ خوریف ملین۔ انہاں ݙوہائیں ملکاں وچال کھیݙاں سودھا مختلف شعبیاں اچ تعاون ٻیا تکڑا کرݨ تے ڳالھ مہاڑ کیتی۔ فرقیقین اتفاق کیتے جو پاکستان اتے روس وچال کھیݙاں خاص کر فٹبال دے شعبے اچ مفاہمتی یادداشتاں (ایم او یوز) تے عملدرآمد تیز کیتا ویسی۔ روسی سفیر البرٹ خوریف آکھیا جو روس …
وفاقی وزیرِ بین الصوبائی رابطہ نال روسی سفیر البرٹ خوریف دی ملاقات
اسلام آباد۔18 جون(اے پی پی)وفاقی وزیرِ بین الصوبائی رابطہ رانا ثناء اللہ نال پاکستان اچ تعینات روسی سفیر البرٹ خوریف ملین۔ انہاں ݙوہائیں ملکاں وچال کھیݙاں سودھا مختلف شعبیاں اچ تعاون ٻیا تکڑا کرݨ تے ڳالھ مہاڑ کیتی۔ فرقیقین اتفاق کیتے جو پاکستان اتے روس وچال کھیݙاں خاص کر فٹبال دے شعبے اچ مفاہمتی یادداشتاں (ایم او یوز) تے عملدرآمد تیز کیتا ویسی۔ روسی سفیر البرٹ خوریف آکھیا جو روس اچ کرکٹ دے ودھارے کیتے پاکستان دے تجربات اتے مہارت توں فیدہ چاتا ویسی۔ رانا ثناء اللہ پاکستان اتے روس وچال مقبول کھیݙاں دے ودھارے کیتے باہمی تعاون ودھیسوں، تعلیم، ثقافت، معیشت اتے کھیݙ ݙوہائیں ملکاں کوں ہک ݙوجھے دے ٻیا نیڑے ڳھن آوݨ اچ اہم کردار ادا کر سڳدن۔ روسی سفیر امریکہ تے ایران وچال امن و استحکام کیتے پاکستان دیاں کوششاں کوں قابلِ تحسین قرار ݙتا۔ چھیکڑ تے فریقاں عزم دوہرایا جو پاکستان اتے روس وچال مختلف شعبیاں اچ تعاون دا دائرہ ٻیا وسیع کرݨ کیتے مشترکہ کوششاں جاری رکھیاں ویسن۔
