اسلام آباد۔18 جون(اے پی پی)وفاقی وزیرِ پٹرولیم علی پرویز ملک آکھیے جو بین الاقوامی منڈی اچ تیل دیاں قیمتاں اچ کمی آندی پئی اے اتے وزیراعظم شہباز شریف ہدایت کیتی اے جو ایں کمی دا فائدہ فوراً عوام کوں پچایا ونڄے جیندے کیتے حکومت ہک اعلیٰ سطح کمیٹی ٻݨا ݙتی اے۔ ہک بیان اچ انہاں آکھیے جو کمیٹی پٹرولیم مصنوعات دیاں قیمتاں دے تعین کیتے ہک شفاف ہفتہ وار فارمولا …
وزیراعظم تیل دیاں قیمتاں اچ کمی دا فائدہ فوراً عوام تئیں پچاوݨ دی ہدایت کر ݙتی
اسلام آباد۔18 جون(اے پی پی)وفاقی وزیرِ پٹرولیم علی پرویز ملک آکھیے جو بین الاقوامی منڈی اچ تیل دیاں قیمتاں اچ کمی آندی پئی اے اتے وزیراعظم شہباز شریف ہدایت کیتی اے جو ایں کمی دا فائدہ فوراً عوام کوں پچایا ونڄے جیندے کیتے حکومت ہک اعلیٰ سطح کمیٹی ٻݨا ݙتی اے۔ ہک بیان اچ انہاں آکھیے جو کمیٹی پٹرولیم مصنوعات دیاں قیمتاں دے تعین کیتے ہک شفاف ہفتہ وار فارمولا ٻݨیسی۔ ایں شفاف فارمولے نال عوام کوں قیمتاں اچ ردوبدل دیاں وجہاں پتا لڳ سڳسن، قیمتاں اچ شفافیت آسی اتے ایں فارمولے کوں سارے متعلقہ سٹیک ہولڈرز نال مشاورت دے بعد حتمی شکل ݙتی ویسی۔ وفاقی وزیر آکھیا جو خطے اچ کشیدگی دے باوجود حکومت ذمہ داری نال ملک اچ تیل دی سپلائی چین کوں بغیر کہیں وݙی رکاوٹ دے برقرار رکھیے، ہݨ اجوکی علاقائی صورتِ حال سانڳے حکومتِ پاکستان اپݨی توانائی سلامتی دی حکمتِ عملی دا وی ازسرِ نو جائزہ ڳھندی پئی اے اتے آوݨ والے مہینیاں اچ ریاستی مفادات دے تحفظ تے توانائی دے محفوظ مستقبل کیتے کئی اقدامات متعارف کرائے ویسن۔
