برسلز۔18 جون(اے پی پی)وفاقی وزیر برائے موسمیاتی تبدیلی و ماحولیاتی ہم آہنگی سینیٹر ڈاکٹر مصدق ملک یورپ دے معروف پالیسی ادارے سینٹر فار یورپین پالیسی سٹڈیز (سی ای پی ایس) دی دعوت تے برسلز پڄ ڳئن، جتھاں او 18 جون کوں پاݨی دے وسائل بارے اہم بین الاقوامی کانفرنس اچ شرکت کریسن۔ وزارتِ موسمیاتی تبدیلی و ماحولیاتی ہم آہنگی دے مطابق کانفرنس سی ای پی ایس اتے یورپی یونین، بیلجیئم …
وفاقی وزیر سینیٹر ڈاکٹر مصدق ملک سینٹر فار یورپین پالیسی سٹڈیز دی دعوت تے برسلز پڄ ڳئن
برسلز۔18 جون(اے پی پی)وفاقی وزیر برائے موسمیاتی تبدیلی و ماحولیاتی ہم آہنگی سینیٹر ڈاکٹر مصدق ملک یورپ دے معروف پالیسی ادارے سینٹر فار یورپین پالیسی سٹڈیز (سی ای پی ایس) دی دعوت تے برسلز پڄ ڳئن، جتھاں او 18 جون کوں پاݨی دے وسائل بارے اہم بین الاقوامی کانفرنس اچ شرکت کریسن۔ وزارتِ موسمیاتی تبدیلی و ماحولیاتی ہم آہنگی دے مطابق کانفرنس سی ای پی ایس اتے یورپی یونین، بیلجیئم و لکسمبرگ اچ پاکستان دے سفارت خانے دے ڳانݙھے نال کیتی ویندی پئی اے۔ کانفرنس اچ یورپی پارلیمنٹ دے اراکین، بین الاقوامی قانون دے ماہرین، سفارت کار، پالیسی ساز، ماہرینِ ماحولیات تے آبی وسائل دے شعبے نال وابستہ شخصیات شرکت کریسن۔ کانفرنس اچ موسمیاتی تبدیلی، عالمی آبی سلامتی، سرحد پار آبی وسائل، سندھ طاس معاہدے اتے بین الاقوامی قوانین سانڳے پاݨی دے ودھدے جغرافیائی و سیاسی کردار تے غور کیتا ویسی۔
