اسلام آباد مفاہمتی یادداشت دے تحت اعلیٰ سطحی کمیٹی اجلاس دا کامیاب اختتام پاکستان کیتے ماݨ دی ڳالھ اے ، ڈاکٹر طارق فضل چوہدری

اسلام آباد۔22 جون (اے پی پی) وفاقی وزیرِ پارلیمانی امور ڈاکٹر طارق فضل چوہدری آکھیے جو اسلام آباد مفاہمتی یادداشت دے تحت منعقدہ پہلے اعلیٰ سطحی کمیٹی اجلاس دا کامیاب اختتام پاکستان کیتے ماݨ دی ڳالھ اے۔ سماجی رابطے دی ویب سائٹ ایکس تے اپݨے ہک بیان اچ انھاں آکھیا جو وزیراعظم شہباز شریف ایں تاریخی امن اقدام دی قیادت کرتے پاکستان کوں سفارتی تے عالمی سطح تے مزید مستحکم کیتے، فیلڈ مارشل سید عاصم منیر دی غیر متزلزل تے انتھک محنت نال فریقین مذاکرات دی میز تے آئے، نائب وزیراعظم اسحاق ڈار تے دفترِ خارجہ دی پوری ٹیم مذاکراتی عمل دے دوران پیشہ ورانہ صلاحیتاں دا مظاہرہ کیتا، وزیرِ داخلہ محسن نقوی وی اہم کردار ادا کیتا۔ بھرا تے دوست ملکاں بالخصوص قطر تے سوئٹزرلینڈ دے تعاون کوں وی خراجِ تحسین پیش کرینداں۔ انھاں آکھیا جو پاکستان ثابت کر ݙتے جو تعمیری رابطے، سانجھے احترام تے مخلصانہ سفارت کاری ہی پائیدار امن تے استحکام دا ذریعہ ہن۔ انھاں آکھیا جو اساں مکالمے، سانجھی افہام و تفہیم تے ساریں کیتے بہتر مستقبل دے ودھارے دی ہر کوشش دی مکمل حمایت جاری رکھݨ دے عزم تے قائم ہیسے۔