وفاقی وزیرِ قانون اعظم نذیر تارڑ دی زیرِ صدارت ان کیمرا اجلاس

اسلام آباد۔22 جون (اے پی پی) وفاقی وزیرِ قانون اعظم نذیر تارڑ دی زیرِ صدارت ٹیلی کام کمپنیاں کوں شہریاں دی جائیداداں تئیں آزادانہ رسائی دے ٻل دا جائزہ گھنݨ آلی کمیٹی دا ان کیمرا اجلاس پارلیمنٹ ہاؤس اچ منعقد تھیا۔اجلاس دے بعد وفاقی وزیرِ قانون اعظم نذیر تارڑ وفاقی وزیر انفارمیشن ٹیکنالوجی و ٹیلی کمیونیکیشن شزہ فاطمہ دے رلے صحافیاں نال ڳالھ کریندے آکھیا جو نجی جائیداد تے قبضے یا زبردستی ٹاورز لاوݨ دا کوئی ارادہ کائنی، یقین ݙوینداں جو ٻل توں کہیں دی ذاتی ملکیت یا پرائیویسی متاثر کائنا تھیسی۔ انھاں آکھیا جو عوامی خدشات دور کرݨ کیتے قانون اچ مزید وضاحت شامل کیتی ویسی، مالک دی اجازت دے بغیر نجی املاک تے ٹاور کائناں لڳسی، اعتراضات جمہوری عمل دا حصہ ہن، معاملہ وقتی حل تھی ویسی۔ اعظم نذیر تارڑ آکھیا جو ٻل دیاں کجھ شقاں تے اعتراضات ہن، مشاورت دا عمل جاری اے، ڈیجیٹل ترقی تے کنیکٹیویٹی کیتے قانون سازی ناگزیر اے، آئی ٹی، براڈ بینڈ تے اے آئی دی ترقی کیتے رکاوٹاں دور کرݨا لازمی اے۔