اسلام آباد۔23 جون (اے پی پی) ایران دے صدر ڈاکٹر مسعود پزشکیان اسلام آباد پڄ ڳئن۔ صدرِمملکت آصف علی زرداری تے وزیرِاعظم محمد شہباز شریف ایران دے صدر ڈاکٹر مسعود پزشکیان دا نور خان ایئربیس آوݨ تے ٻہوں پرتپاک خیر مقدم کیتا۔نائب وزیرِ اعظم و وزیرِ خارجہ سینیٹر محمد اسحاق ڈار، وفاقی وزیرِ داخلہ محسن نقوی، وفاقی وزیرِ اطلاعات و نشریات عطاء اللہ تارڑ تے اعلیٰ حکام وی ایں موقع …
ایران دے صدر ڈاکٹر مسعود پزشکیان اسلام آباد پُڄ ڳئن،شانداراستقبال
اسلام آباد۔23 جون (اے پی پی) ایران دے صدر ڈاکٹر مسعود پزشکیان اسلام آباد پڄ ڳئن۔ صدرِمملکت آصف علی زرداری تے وزیرِاعظم محمد شہباز شریف ایران دے صدر ڈاکٹر مسعود پزشکیان دا نور خان ایئربیس آوݨ تے ٻہوں پرتپاک خیر مقدم کیتا۔نائب وزیرِ اعظم و وزیرِ خارجہ سینیٹر محمد اسحاق ڈار، وفاقی وزیرِ داخلہ محسن نقوی، وفاقی وزیرِ اطلاعات و نشریات عطاء اللہ تارڑ تے اعلیٰ حکام وی ایں موقع تے موجود ہن۔ ایران دے وزیرِخارجہ عباس عراقچی تے ایران دا اعلیٰ سطح دا وفد وی صدر مسعود پزشکیان دے رلے اے۔ ایرانی صدر ڈاکٹر مسعود پزشکیان دا ایئرپورٹ تے شاندار استقبال کیتا ڳئے، انھاں کوں 21 توپاں دی سلامی ݙتی ڳئی ڄݙاں جو پاک فضائیہ دے جے ایف 17 طیاریں وی انھاں کوں سلامی پیش کیتی۔ ایں موقع تے روایتی کپڑیں اچ ٻالاں صدر مسعود پزشکیان کوں پُھل پیش کیتے ڄݙاں جو پاکستان تے ایران دے جھنڈے چاتے ہوئیں ٻالاں ایرانی صدر دا خیر مقدم کیتا۔ صدر مسعود پزشکیان ہتھ ہلا تے ٻالاں دے خیر مقدمی نعریں دا جواب ݙتا۔ ایرانی صدر مسعود پزشکیان پاکستانی قیادت دے نال گرمجوشی نال بھاکل پاتا تے ہتھ ملایا ۔ خاتونِ اول آصفہ بھٹو زرداری تے چیئرمین پاکستان پیپلز پارٹی بلاول بھٹو زرداری وی استقبال کیتے موجود ہن۔ ایران دے صدر ڈاکٹر مسعود پزشکیان دا بطورِ صدر پاکستان دا اے ݙوجھا دورہ اے۔
