راولپنڈی۔23 جون (اے پی پی) اسلامی جمہوریہ ایران دے صدر ڈاکٹر مسعود پزشکیان نال چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر ملاقات کیتی جئیں اچ علاقائی صورتحال تے امن دے ودھارے دے اقدامات تے ڳالھ مہاڑ کیتی ڳئی۔ پاک فوج دے شعبہ تعلقاتِ عامہ (آئی ایس پی آر) توں جاری ٻیان موجب ایرانی صدر خطے اچ مکالمے، کشیدگی اچ کمی تے استحکام دے …
ایران دے صدر ڈاکٹر مسعود پزشکیان نال چیف آف آرمی سٹاف فیلڈ مارشل سید عاصم منیر دی ملاقات
مزید خبراں
راولپنڈی۔23 جون (اے پی پی) اسلامی جمہوریہ ایران دے صدر ڈاکٹر مسعود پزشکیان نال چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر ملاقات کیتی جئیں اچ علاقائی صورتحال تے امن دے ودھارے دے اقدامات تے ڳالھ مہاڑ کیتی ڳئی۔ پاک فوج دے شعبہ تعلقاتِ عامہ (آئی ایس پی آر) توں جاری ٻیان موجب ایرانی صدر خطے اچ مکالمے، کشیدگی اچ کمی تے استحکام دے ودھارے کیتے پاکستان دے تعمیری تے ذمہ دارانہ کردار دی تعریف کیتی۔ انھاں ودھدے ہوئے جغرافیائی و سیاسی چیلنجز دے دوران جھیڑیں دے پرامن حل تے علاقائی فریقین وچال سانجھی افہام و تفہیم کوں ودھارا ݙیوݨ کیتے پاکستان دیاں مسلسل کوششاں دا اعتراف کیتا۔فیلڈ مارشل سید عاصم منیر خطے اچ امن تے استحکام کیتے پاکستان دے غیر متزلزل عزم دا اعادہ کیتا۔ ݙوہیں فریقاں پاکستان تے ایران دے تعلقات کوں مزید تکڑا بݨاوݨ تے سانجھی دلچسپی دے امور تے نیڑے مشاورت جاری رکھݨ دے عزم دا اظہار کیتا تاں جو خطے اچ امن، خوشحالی تے استحکام دے سانجھے مقصد کوں اڳوں ودھایا ونڄ سڳے۔
