اسلام آباد۔ 23 جون (اے پی پی) صدر مملکت آصف علی زرداری منگل کوں ایران دے امن، استحکام، قومی یکجہتی، خود مختاری تے علاقائی سالمیت کیتے پاکستان دی اصولی حمایت دا ولا اعادہ کیتے تے اکھیے پاکستان ہمیشہ ہک پاسے دے اقدامات دی مخالفت کیتی اے تے علاقائی و عالمی چیلنجز دے پکے تے پائیدار حل کوں پاوݨ کیتے ڳالھ مہاڑ تے سفارت کاری دی حمایت کیتی اے۔ انہاں خلیجی …
صدر آصف علی زرداری نال ایرانی صدر دی ملاقات
مزید خبراں
اسلام آباد۔ 23 جون (اے پی پی) صدر مملکت آصف علی زرداری منگل کوں ایران دے امن، استحکام، قومی یکجہتی، خود مختاری تے علاقائی سالمیت کیتے پاکستان دی اصولی حمایت دا ولا اعادہ کیتے تے اکھیے پاکستان ہمیشہ ہک پاسے دے اقدامات دی مخالفت کیتی اے تے علاقائی و عالمی چیلنجز دے پکے تے پائیدار حل کوں پاوݨ کیتے ڳالھ مہاڑ تے سفارت کاری دی حمایت کیتی اے۔ انہاں خلیجی خطے دے ملکاں نال مضبوط بھرپی آلے تعلقات برقرار رکھݨ دے نال نال امتِ مسلمہ دے اتحاد کوں بچاوݨ کیتے پاکستان دے عزم تے وی زور ݙتا۔ایوانِ صدر دے میڈیا ونگ توں جاری تھیوݨ آلے بیان موجب اسلامی جمہوریہ ایران دے صدر ڈاکٹر مسعود پزشکیان صدر زرداری نال ملاقات کیتی۔ ݙو اہم رہنماواں ݙو پاسہ تعلقات، خاص طور تے علاقائی امن تے سلامتی، ݙو پاسہ تے علاقائی رابطیں، معاشی تعاون تے آپت دے دلچسپی دے ٻئے معاملیں تے ڳالھ مہاڑ کیتی۔ایرانی صدر دے نال وزیرِ خارجہ سید عباس عراقی، صدر دے دفتر دے چیف محسن حاجی مرزائی، وزیرِ داخلہ اسکندر مومنی، صدر دے دفتر دے سیاسی امور دے چیف سعید عباس موسوی تے پاکستان وچ ایران دے سفیر رضا امیری مقدم وی شامل ہن۔پاکستان دے پاسوں نائب وزیراعظم تے وزیرِ خارجہ سینیٹر محمد اسحاق ڈار، پی پی پی دے چیئرمین تے سابق وزیرِ خارجہ بلاول بھٹو زرداری، وزیرِ داخلہ سید محسن رضا نقوی، وزیرِ مملکت داخلہ طلال چوہدری، سینیٹ دے چیف وہپ سینیٹر سلیم مانڈوی والا تے ڈاکٹر عاصم حسین ایں ملاقات وچ موجود ہن۔صدر زرداری اڄوکے جھیڑے دے بعد پاکستان دے اپݨے پہلے سرکاری دورے تے آوݨ آلے صدر پزشکیان کوں جی آیاں کوں آکھیا تے ݙسایا اے دورہ ݙوہیں ملکاں وچال پراݨے بھرپی آلے تعلقات تے چنڳے تے اوکھے ویلھے اکٹھے رہݨ دی خواہش کوں ظاہر کریندے۔انہاں صدر پزشکیان کوں اسلام آباد مفاہمتی یادداشت (MoU) تے دستخط تھیوݨ تے مبارکباد ݙتی تے ایں امید دا اظہار کیتا جو جاری تکنیکی سطح دی ڳالھ مہاڑ خطے وچ پکے امن تے مکسی ۔ صدر زرداری ہک وار ول علی حسینی خامنہ ای دی شہادت تے تعزیت دا اظہار کیتا تے اکھیا پاکستان انہاں دے جنازے وچ شرکت کریسی۔صدر پزشکیان امن تے ڳالھ مہاڑ دی حمایت وچ پاکستان دی مثبت تے تعمیری کوشِشاں دا شکریہ ادا کیتا تے اڄوکے اوکھے حالات دے دوران پاکستان دی طرفوں ملݨ آلی حمایت دی تعریف کیتی ۔ انہاں اکھیا ایران پاکستان نال اپݨے تعلقات کوں ٻہوں زیادہ اہمیت ݙیندے تے سیاسی، معاشی، سکیورٹی تے علاقائی معاملیں وچ تعاون کوں ٻیا ودھاوݨ چاہندے۔ صدر آصف زرداری صدر پزشکیان توں درخواست کیتی جو او اسلامی جمہوریہ ایران دے سپریم لیڈر آیت اللہ سید مجتبیٰ حسینی خامنہ ای تئیں انہاں دی نیک تمناواں تے سلام پُڄاون۔
