اسلام آباد۔24 جون (اے پی پی) نائب وزیرِاعظم تے وزیرِخارجہ سینیٹر محمد اسحاق ڈار حضرت بری امام سرکارؒ دے مزار دی ترقی و انتظامی امور متعلق کمیٹی دے اجلاس دی صدارت کیتی۔ نائب وزیرِ اعظم دفتر توں جاری بیان موجب کمیٹی 14 اگست 2026ء کوں منعقد تھیوݨ آلی ’’چادر پوشی دی تقریب‘‘ تے 15 توں 17 اگست 2026ء منعقد تھیوݨ آلے ’’عرس مبارک حضرت بری امام سرکارؒ‘‘ دے انتظامات تے …
نائب وزیرِاعظم اسحاق ڈار دی زیرِ صدارت حضرت بری امام سرکارؒ دے مزار دی ترقی و انتظامی امور متعلق کمیٹی دا اجلاس
مزید خبراں
اسلام آباد۔24 جون (اے پی پی) نائب وزیرِاعظم تے وزیرِخارجہ سینیٹر محمد اسحاق ڈار حضرت بری امام سرکارؒ دے مزار دی ترقی و انتظامی امور متعلق کمیٹی دے اجلاس دی صدارت کیتی۔ نائب وزیرِ اعظم دفتر توں جاری بیان موجب کمیٹی 14 اگست 2026ء کوں منعقد تھیوݨ آلی ’’چادر پوشی دی تقریب‘‘ تے 15 توں 17 اگست 2026ء منعقد تھیوݨ آلے ’’عرس مبارک حضرت بری امام سرکارؒ‘‘ دے انتظامات تے تیاریاں تے تفصیلی غور کیتا۔ نائب وزیرِاعظم ایں روحانی و مذہبی مقصد کیتے کمیٹی دے ارکان دی لگن تے خدمات دی تعریف کیتی ۔ انھاں ریلوے دے وفاقی وزیر دی سربراہی اچ قائم ذیلی کمیٹی کوں ہدایت کیتی جو مزار شریف دی ݙیکھ بھال، مرمت تے تعمیراتی کماں دی نگرانی کرے تے انھاں امور کوں تکھی رفتار مکمل کرݨ کوں یقینی بݨاوے۔ اجلاس اچ وفاقی وزیرِریلوے، وزیرِ مملکت داخلہ و انسدادِ منشیات، سیکرٹری داخلہ، چیف کمشنر اسلام آباد، ڈپٹی کمشنراسلام آباد، لیفٹیننٹ جنرل (ر) افضل جنجوعہ، راجہ سرفراز اکرم، گوہر زاہد ملک تے سہیل بھٹی شرکت کیتی۔
