راولپنڈی۔24 جون (اے پی پی) چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر نال لیبیا عرب مسلح افواج دے ڈپٹی کمانڈر انچیف لیفٹیننٹ جنرل صدام خلیفہ حفتر جنرل ہیڈ کوارٹرز (جی ایچ کیو) اچ ملاقات کیتی۔ جی ایچ کیو پُڄݨ تے معزز مہمان کوں تریہے فوجاں دے چاق و چوبند دستے گارڈ آف آنر پیش کیتا۔پاک فوج دے شعبہ تعلقاتِ عامہ آئی ایس پی …
فیلڈ مارشل سید عاصم منیر نال لیبیا عرب مسلح افواج دے ڈپٹی کمانڈر انچیف دی ملاقات، سانجھی دلچسپی دے امور، علاقائی سلامتی دی صورتحال، دفاعی تے عسکری تعاون ودھاوݨ تے ڳالھ مہاڑ
مزید خبراں
راولپنڈی۔24 جون (اے پی پی) چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر نال لیبیا عرب مسلح افواج دے ڈپٹی کمانڈر انچیف لیفٹیننٹ جنرل صدام خلیفہ حفتر جنرل ہیڈ کوارٹرز (جی ایچ کیو) اچ ملاقات کیتی۔ جی ایچ کیو پُڄݨ تے معزز مہمان کوں تریہے فوجاں دے چاق و چوبند دستے گارڈ آف آنر پیش کیتا۔پاک فوج دے شعبہ تعلقاتِ عامہ آئی ایس پی آر توں جاری بیان موجب ملاقات اچ سانجھی دلچسپی دے امور، علاقائی سلامتی دی صورتحال، دفاعی تعاون تے عسکری سطح تے تعاون ودھاوݨ دے طریقیں تے ڳالھ مہاڑ کیتی ڳئی۔ ݙوہیں پاسوں ݙو پاسے دفاعی تعلقات تکڑے بݨاوݨ تے پیشہ ورانہ فوجی تربیت و سکیورٹی دے شعبیں اچ تعاون ودھاوݨ دی اہمیت تے زور ݙتا۔ فیلڈ مارشل سید عاصم منیر دوست ملکاں دے نال امن، استحکام تے تعمیری رابطے ودھاوݨ سانڳے پاک فوج دے عزم کوں نشابر کیتا۔ معزز مہمان پاکستان دی مسلح افواج دی پیشہ ورانہ مہارت دی تعریف کیتی اتے علاقائی امن و سلامتی کیتے انھاں دی خدمات دا اعتراف کیتا۔
