اسلام آباد۔25 جون (اے پی پی) وفاقی وزیرِ منصوبہ بندی، ترقی و اصلاحات احسن اقبال آکھیے جو اعلیٰ تعلیم، فیکلٹی ڈویلپمنٹ، تحقیقاتی تعاون، وظائف (سکالرشپس) تے تعلیمی تبادلے دے پروگراماں اچ جرمنی دے نال تعاون کوں وسعت ݙیوݨ اچ پاکستان گھاٹی دلچسپی رکھیندے تاں جو انسانی سرمائے دی ترقی کوں تکڑا بݨایا ونڄ سڳے۔اتھاں جاری پریس ریلیز موجب پاکستان اچ وفاقی جمہوریہ جرمنی دی سفیر انا لیپل اسلام آباد اچ …
وفاقی وزیر احسن اقبال نال جرمنی دی سفیر انا لیپل دی ملاقات
اسلام آباد۔25 جون (اے پی پی) وفاقی وزیرِ منصوبہ بندی، ترقی و اصلاحات احسن اقبال آکھیے جو اعلیٰ تعلیم، فیکلٹی ڈویلپمنٹ، تحقیقاتی تعاون، وظائف (سکالرشپس) تے تعلیمی تبادلے دے پروگراماں اچ جرمنی دے نال تعاون کوں وسعت ݙیوݨ اچ پاکستان گھاٹی دلچسپی رکھیندے تاں جو انسانی سرمائے دی ترقی کوں تکڑا بݨایا ونڄ سڳے۔اتھاں جاری پریس ریلیز موجب پاکستان اچ وفاقی جمہوریہ جرمنی دی سفیر انا لیپل اسلام آباد اچ وفاقی وزیر منصوبہ بندی، ترقی تے خصوصی اقدامات احسن اقبال نال ملاقات کیتی۔ ملاقات دا مقصد تعلیم، سیاحت، ثقافت، معاشی اصلاحات تے سرمایہ کاری کوں ودھارا ݙیوݨ اچ ݙوہیں ملکاں وچال ݙوطرفہ تعاون کوں ودھاوݨ ہئی۔ ݙوہیں فریقاں پاکستان تے جرمنی دے تعلقات کوں مزید تکڑا بݨاوݨ تے مشترکہ دلچسپی دے شعبیں اچ سانجھے فیدہ مند شراکت داری کوں ودھارا ݙیوݨ دے عزم دا اعادہ کیتا۔ملاقات دے دوران وفاقی وزیر احسن اقبال سفیر کوں پاکستان دے معاشی بحالی تے اصلاحاتی ایجنڈے توں ݙسایا جئیں اچ معاشی استحکام اچ بہتری، مہانگ اچ کمی، پالیسی ریٹس اچ کمی تے سرمایہ کاراں دے اعتماد اچ بحالی کوں نمایاں کیتا ڳیا۔انھاں حکومت دی طرفوں عوامی شعبے دی گورننس جدید بݨاوݨ، ترقیاتی منصوبہ بندی دے عمل کوں ڈیجیٹائز کرݨ بشمول منصوبہ بندی کمیشن دے پروجیکٹ مینجمنٹ تے منظوری دے نظام اچ تبدیلی گھن آوݨ دے ذریعے شفافیت، کارکردگی تے جواب دہی کوں ودھاوݨ دیاں کوششاں تے زور ݙتا۔وفاقی وزیر اعلیٰ تعلیم، فیکلٹی ڈویلپمنٹ، تحقیقاتی تعاون، وظائف تے تعلیمی تبادلے دے پروگراماں اچ جرمنی نال تعاون کوں وسعت ݙیوݨ اچ پاکستان دی دلچسپی دا اظہار کیتا تاں جو انسانی سرمائے دی ترقی کوں تکڑا بݨایا ونڄ سڳے۔ وفاقی وزیر جرمنی کوں گلگت بلتستان اچ پائیدار تے ماحول دوست سیاحت کوں ودھارا ݙیوݨ اچ تعاون دی دعوت ݙتی تے سیاحت دی منصوبہ بندی و ادارہ جاتی ترقی اچ جرمن ماہرین دی مہارت دا خیرمقدم کیتا۔ انھاں اڳلے سال علامہ محمد اقبالؒ دی 150ویں سالڳنڈھ دی تیاریاں کوں وی اجاگر کیتاجئیں اچ جرمنی دی علامہ اقبالؒ دے فکری سفر اچ خصوصی اہمیت دا ذکر کیتا تے ایں موقع تے منعقد تھیوݨ آلے بین الاقوامی پروگراماں اچ جرمنی دی مضبوط شرکت دی خواہش دا اظہار کیتا۔ سفیرانا لیپل پاکستان دیاں اصلاحاتی کوششاں تے ترقیاتی ترجیحات دی تعریف کیتی تے تعلیم، پائیدار ترقی، ثقافتی تبادلے اچ پاکستان نال تعاون کوں مزید تکڑا بݨاوݨ دے جرمنی دے عزم دا اعادہ کیتا۔
