اسلام آباد۔ 26 جون (اے پی پی)وفاقی وزیر مواصلات عبدالعلیم خان آکھیے عاشورہ دینِ اسلام دی سربلندی، قربانی تے ثابت قدمی دا عظیم درس ݙیندے، شہادتِ امام حسینؑ حق و باطل وچال ابدی معیار تے انسانیت کیتے روشن مینار اے۔ یومِ عاشور تے اپݨے بیان وچ عبدالعلیم خان آکھیا واقعہ کربلا ظلم دے سامݨے ڈٹ ونڄݨ تے اصولاں تے قائم رہݨ دا لازوال پیغام ݙیندے، شہدائے کربلا دیاں عظیم قربانیاں …
شہادتِ امام حسینؑ حق و باطل وچال ابدی معیار تے انسانیت کیتے روشن مینار اے، وفاقی وزیر مواصلات عبدالعلیم خان
اسلام آباد۔ 26 جون (اے پی پی)وفاقی وزیر مواصلات عبدالعلیم خان آکھیے عاشورہ دینِ اسلام دی سربلندی، قربانی تے ثابت قدمی دا عظیم درس ݙیندے، شہادتِ امام حسینؑ حق و باطل وچال ابدی معیار تے انسانیت کیتے روشن مینار اے۔ یومِ عاشور تے اپݨے بیان وچ عبدالعلیم خان آکھیا واقعہ کربلا ظلم دے سامݨے ڈٹ ونڄݨ تے اصولاں تے قائم رہݨ دا لازوال پیغام ݙیندے، شہدائے کربلا دیاں عظیم قربانیاں امتِ مسلمہ کیتے ایثار، وفا، صبر تے حق پرستی دی روشن مثال ہن۔عبدالعلیم خان آکھیا آلِ محمدؐ ہر آزمائش دے باوجود حق دا پرچم بلند رکھیا، انھاں دا کردار مشعلِ راہ اے، یومِ عاشورہ حق، استقامت، صبر تے رضائے الٰہی دی یاد ݙویندے۔ صدر استحکامِ پاکستان پارٹی آکھیا مذہبی ہم آہنگی تے اخوت دا ودھارا ویلھے دی اہم لوڑھ تے ترقی دی ضمانت اے ، شہدائے اسلام دیاں قربانیاں انسانیت کوں عزت، حوصلہ تے جدوجہد دا رستہ ݙکھائے۔ عبدالعلیم خان آکھیا وطنِ عزیز تے ملکی سلامتی کیتے پاک فوج دیاں قربانیاں تعریف دے لائق ہن، شہدائے کربلا دیاں لازوال قربانیاں کوں ہمیشہ یاد رکھیا ویسی۔
