یومِ عاشورتے امن برقرار رکھݨ سانڳے پولیس دی درخواست تے پنجاب دے 24 ضلعیں وچ موبائل فون سروس جزوی طور تے معطل

لاہور۔ 26 جون (اے پی پی)محکمہ داخلہ پنجاب یومِ عاشور دے موقع تے امن و امان برقرار رکھݨ تے شہریاں دے جان و مال دے تحفظ کوں یقینی بݨاوݨ کیتے پولیس دی درخواست تے پنجاب دے 24 ضلعیں وچ موبائل فون سروس جزوی طور تے معطل رکھݨ دا فیصلہ کیتے۔ ترجمان محکمہ داخلہ پنجاب موجب موبائل فون سروس صرف جلوساں تے مجالس دے حساس جہیں تے ہی معطل رہسی۔تفصیل موجب راولپنڈی، اٹک، چکوال، سرگودھا، خوشاب، بھکر، حافظ آباد، گجرات، نارووال، فیصل آباد، ٹوبہ ٹیک سنگھ، جھنگ، چنیوٹ، ملتان، ساہیوال، اوکاڑہ، پاکپتن، ڈی جی خان، راجن پور، مظفرگڑھ، لیہ، کوٹ ادو، بہاولنگر تے رحیم یارخان دے حساس مقامات تے موبائل فون سروس جزوی طور تے معطل رہسی۔ ترجمان محکمہ داخلہ پنجاب موجب لاہور سودھے پنجاب دے ٻئے سارے ضلعیں وچ موبائل فون سروس معمول موجب بحال رہسی۔ترجمان مزید ݙسایا محکمہ داخلہ پنجاب پولیس دی سفارش تے وفاقی حکومت کوں خط بھیجا ہئی جیندے وچ انھاں 24 ضلعیں دے مجالس تے جلوساں دے مقامات دے لوکیشن کوآرڈینیٹس وی ݙتے ڳئن۔ وفاقی حکومت انھاں سفارشات دی منظوری ݙیندیں پاکستان ٹیلی کمیونیکیشن اتھارٹی (PTA) کوں متعلقہ حساس جہیں تے موبائل فون سروس دی جزوی معطلی دے احکامات جاری کیتن۔ ترجمان ݙسایا اے اقدام یومِ عاشور دے دوران امن و امان دے قیام، شہریاں دی حفاظت تے سکیورٹی انتظامات کوں ٻیا اثردار بݨاوݨ کیتے چاتا ڳئے۔