اسلام آباد۔27 جون (اے پی پی) وزیرِاعظم محمد شہباز شریف عاشورہ دے موقع تے ملک اچ امن و امان قائم رکھݨ تے سارے جلوساں تے مجالس کیتے بہترین سکیورٹی انتظامات تے وزارتِ داخلہ تے سکیورٹی اداریں کوں خراجِ تحسین پیش کیتے۔ وزیرِاعظم دفتر دے میڈیا ونگ توں جاری بیان موجب وزیرِاعظم عاشورہ کیتے بہترین انتظامات تے فول پروف سکیورٹی ݙیوݨ تے وزیرِ داخلہ محسن نقوی تے انھاں دی ٹیم، افواجِ …
وزیرِاعظم شہباز شریف دا عاشورہ تے فول پروف سکیورٹی انتظامات تے وزارتِ داخلہ تے سکیورٹی اداریں کوں خراجِ تحسین
اسلام آباد۔27 جون (اے پی پی) وزیرِاعظم محمد شہباز شریف عاشورہ دے موقع تے ملک اچ امن و امان قائم رکھݨ تے سارے جلوساں تے مجالس کیتے بہترین سکیورٹی انتظامات تے وزارتِ داخلہ تے سکیورٹی اداریں کوں خراجِ تحسین پیش کیتے۔ وزیرِاعظم دفتر دے میڈیا ونگ توں جاری بیان موجب وزیرِاعظم عاشورہ کیتے بہترین انتظامات تے فول پروف سکیورٹی ݙیوݨ تے وزیرِ داخلہ محسن نقوی تے انھاں دی ٹیم، افواجِ پاکستان، پولیس تے سکیورٹی و قانون نافذ کرݨ آلے اداریں دے افسراں تے اہلکاراں دیاں کوششاں دی تعریف کریندے آکھیے اللہ دے فضل و کرم نال عاشورہ دے حوالے نال ساریاں سرگرمیاں امن اچ مکمل تھئن۔ وزیرِاعظم صوبائی حکومتاں بشمول گلگت بلتستان تے آزاد جموں و کشمیر دی حکومتاں دی طرفوں وی عاشورہ تے بہترین انتظامات یقینی بݨاوݨ دی تعریف کیتی۔ انھاں آکھیا جو سارے وزرائے اعلیٰ تے وزیرِاعظم آزاد جموں و کشمیر تے انھاں دی کابینہ دے متعلقہ وزراء وی عاشورہ تے بہترین انتظامات تے امن و امان کیتے سکیورٹی دے فول پروف اقدامات تے تعریف دے قابل ہن۔
